Споделете со пријателите!
Малку поинаква брза зимница
Комбинацијата на кисели моркови и дајкон совршено одговара како додаток на богатиот празничен македонски традиционален ручек, или со други зборови, печено месо. Исто така, дајконот и морковот може да се послужат и со парче солено сирење.
- 300 г дајкон и морков, исецкани на тенки стапчиња;
- 150 мл вода;
- 150 мл алкохолен оцет;
- неколку резанки свеж ѓумбир;
- 2 лажици шеќер;
- 1 лажиче сол;
- 1 лута чили пиперка;
- бибер во зрна.
Ставете ги водата, оцетот, шеќерот, солта, ѓумбирот и биберот во мало тенџерче и загрејте ги додека не зовријат, па намалете ја температурата на најниско и оставете ги да се поварат неколку минути.
Убаво измијте ги или стерилизирајте ги теглите, наполнете ги со стапчињата морков и дајкон, ставете ги врз нив парчињата ѓумбир и чили пиперка, па истурете го оцетот врз нив. Зеленчуците треба целосно да бидат потопени, затворете ги теглите, чукнете ги малку за да се ослободат меурчињата воздух, и ставете ги во фрижидер да отстојат барем еден ден пред да ги јадете. Киселите моркови и дајкон одлично одат со некое тврдо солено сирење или печено месо.
* рецептите со во целост преземени од ситно сецкано
Споделете со пријателите!
