Истражувачите сметаат дека еден алкохолен пијалок може да ја наруши нашата способност за донесување одлуки, иако не сме свесни за тоа.
Ново истражување спроведено од тим научници од Државниот универзитет во Сан Диего, Калифорнија, открива дека само еден алкохолен пијалок има моќ да влијае негативно на когнитивните способности кај човекот.
Студијата, чиишто наоди беа неодамна објавени во дневникот „PLOS One“, вклучила 18 здрави луѓе коишто умерено консумирале алкохол. На учесниците во истражувањето им била зададена компјутерска задача каде што требале успешно да поврзат квадрати во различни бои, додека во меѓувреме нивното внимание би било одвлекувано со лажни квадрати што ќе се појавуваат на екранот. Задачата била специјално дизајнирана да ја измери нивната когнитивна контрола во ситуација кога нивната сконцентрираност и фокусираност ќе биде нарушена. Дополнително, експериментот се одвивал под два услови: по пиење еден алкохолен коктел и по пиење сок од портокал.
Со задачата истражувачите го мереле времето на реакција и точност на решението на задачата на секој испитаник по барањето да притисне едно копче за да поврзе квадрати во различни бои, додека во меѓувреме неговото внимание било одвлекувано со лажни квадрати што се појавувале на екранот.
За време на задачата учесниците седеле во магнетоенцефалографски скенер кој ги мерел нивните мозочни бранови или електричната активност на мозокот, додека тие се обидувале да ги поврзат обоените квадрати. Поконкретно, научниците ги мереле бета и тета брановите на испитаниците. Имено, бета брановите играат улога во контролата на движењето, додека тета брановите се вклучени во способноста за донесување одлуки.
Пиењето алкохол го нарушува процесот на донесување одлуки
Како еден пијалак може влијае на мозочни бранови? Студијата покажа дека пиењето не влијае врз нашите бета бранови, но кога стануваат збор тета брановите, тоа има значително влијание.
По пиењето само еден коктел, учесниците во студијата покажале намалување на фреквенцијата на тета брановите – тие паднале на речиси половина од фреквенцијата на оние кои пиеле сок од портокал. Откриено е, исто така, дека алкохолниот коктел влијаел на точноста на одговорите на учесниците, односно, кај оние што пиеле алкохол е забележана намалена точност на боите на квадратите за 5 отсто. Настрана од овие негативни ефекти, кога станува збор времето на нивната реакција, не се забележани промени како резултат на консумираниот алкохол.
Истражувачите велат дека нивните наоди сугерираат дека дури и еден алкохолен пијалок може да ја наруши нашата способност за донесување одлуки, иако не сме свесни за тоа. Од друга страна пак, бидејќи наодите истакнуваат дека нашата способност за движење би останала непроменета по консумацијата на еден алкохолен пијалак, се смета дека би продолжиле со одредени физички активности со верување дека правиме вистински избор.
Од секојдневните активности тие тука го вбројуваат возењето како активност на движење којашто би продолжиле да ја правиме по консумацијата на еден алкохолен пијалак.
„Кога возиме, ние обично работиме автоматски и без многу свесно размислување. Сепак, во одредени ситуации мораме брзо да реагираме, како на пример кога некој автомобил би ни го пресекол патот. Во овој случај мора да бидеме во можност да ја замениме автоматиката и да ја користиме когнитивната контрола за безбедно да се справиме со ситуацијата. Но кога би возеле дури и со многу мало количество на алкохол би биле помалку успешни во брзото реагирање“, вели Лорен Бетон, дипломиран психолог по психологија и коавтор на студијата.
