Пробиотиците имаат важна улога во градењето на имуниот систем
Зимата е период во којшто имуниот систем е најподложен на инфекции. Со намалувањето на температурите се зголемува ризикот за грип и чести настинки. Како да го засилиме имуниот систем, односно како да се заштитиме во овој зимски период?
Најновите истражувања покажуваат дека пробиотиците имаат важна улога во градењето на имуниот систем. Имунолошката регулација во цревата зависи од нормалната цревна флора на домаќинот, односно во колкав процент пробиотиците се населени во истата. Гастроинтестиналниот тракт функционира како бариера за антигените. Постојат неколку механизми преку кои пробиотиците штитат од инфективни заболувања. Секреција на анти-патогени супстанци, компетиција со патогените за врзувачките места, одржување на мукозниот интегритет и стимулација на системски и мукозен имунолошки одговор. Од многуте пробиотици, B.subtilis е сој којшто се извојува, односно за него е потврдена улогата во појачување на имунитетот. Bacillus subtilis е специфичен сој на пробиотски бактерии, патентиран и клинички испитан (регистриран e во Француската национална збирка на микроорганизми (CNCM) под број I -2745). Овој сој е стабилен на ниска pH, кисела средина и со тоа го преживува преодот низ ГИТ. Toj ја засилува нашата природна одбрана и помага во борбата против инфекции. Организмот по неговото внесување го препознава како антиген и во дигестивниот систем се врши негово разградување. Овој процес предизвикува ослободување на медијатори на имунолошката реакција интерлеукини кои поттикнуваат диференцијација на Б-лимфоцити во плазма клетки кои создаваат антитела – имуноглобулини. Така стимулиран, имунолошкиот систем спречува влез на патогени и вируси во клетките и настанување на инфекција.
За нормално функционирање на имуниот систем важен е и внесот на витамн Ц и цинк. Овие две компоненти се значајни за производство на антитела и се составен дел од структурата и процесите на B и Т лимфоцитите. Намален внес на овие компоненти би резултирало со побавен одговор на имуниот систем. Витаминот Ц и цинкот, имаат исто така и антиоксидативен ефект со што го заштитуваат телото од оксидативен стрес, којшто може да доведе до трајни оштетувања на клетките. Комбинацијата од пробиотик (B.subtilis), витамин Ц и цинк е препорачлива за време на зимскиот период кај лица со зголемен физички и психички стрес, стари лица, спортисти, адолесценти, вегетаријанци како и имуно компромитирани особи (ХПВ инфекции, дијабетичари).
М-р фарм. Љупчо Јанкоски
