На кого му требаат фенси додатоци во исхраната, после тренинг право во 7-ца на хамбургер
Без разлика дали одржувате кондиција, тренирате за маратон или редовно посетувате теретана, интензивна физичка активност ги осиромашува вашите мускули од основниот извор на енергија, гликогенот. Во светот постои цела индустрија на пост-тренинг додатоци на исхраната дизајнирани да им помогнат на вашите мускули што е можно побрзо да се опорават од напорниот тренинг. Но, според една студија неодамна објавена во the International Journal of Sport Nutrition and Exercise Metabolism и другата храна што ја јадеме, вклучувајќи ја и брза храна, би можеле да го надополнува нивото на гликоген подеднакво ефикасно како и специјалните додатоци во исхраната.
Кога дигате тегови во теретана, енергијата што ја користите доаѓа од гликогенот, кој е 2 проценти од тежината на вашите скелетни мускули. Гликогенот може да се складира во црниот дроб и да се ослободи како резервна енергија. Со засилено оптеретување на мускулите, количината на гликоген постепено се намалува и тоа најчесто помеѓу 10 и 30 минута на почетокот на тренингот и секако во зависност од интензитетот на вежбањето.
Надополнувањето на овој гликоген после тренингот е клучот во мускулниот раст. Доколку не го сторите тоа, мускулите одат во потрага по други извори на енергија, а со тоа доаѓа до слабеење на структурата на телото и на имунолошкиот систем. Јаглехидратите се примарен извор на гликоген, затоа многу спортисти практикуваат т.н. полнење со јагленохидрати – carbo-loading, начин на исхрана со кој пред некој спортски настап им даваат на своите мускули повеќе енергија. Но, јадењето на јагленохидратите после тренингот е исто така важно, за да се надополни гликогенот изгубен за време на тренингот.
Во новата студија, истражувачите ги тестирале влијанието на додатоците на гликоген и брзата храна врз обновување на гликогенот и успешноста на вежбањето. Во истражувањето учествувале единаесет учесници кои постеле 12 часа пред да започнат со 90 минутен тренинг на издржливост. Веднаш по тренингот, на половина од нив им биле дадени прехрамбени продукти кои се сметаат за брза храна (чоколади, кекси, сокови со засладувачи, хамбургери и помфрит), а на другата половина (енергетски кекси, житарки, „спортски“ пијалоци за враќање на енерхијата и хидратацијата). Во различни временски интервали по оброкот, истражувачите ја земале примероци од мускулното ткиво, како и тестови на крвта за да се провери нивото на гликоген кај учесниците. Тие откриле дека, по четири часа, резултатите во основа биле исти, без разлика што јаделе спортистите.
Истражувачите заклучиле дека некои видови храна, која не мора да се означени како пост-тренинг додатоци, можат да го прават истото, што е одлично. Но, многу брза храна вклучува компоненти кои можат да го забават надополнувањето на гликогенот, како што се мастите или растителните влакна.
Важно е да се напомене дека истражувачите не велат дека за брзата храна е подобра од додатоци во исхраната. Јадењето големи количини брза храна може да биде штетно за вашето целокупно здравје, бидејки таа содржи многу на натриум, холестерол и калории кои можат да доведат до голем број на здравствени проблеми, како што се дебелината. Значи, како и секогаш кога ќе ја посетите локал за брза храна, бидете умерени со порачката, особено после тренингот.
