Светската здравствена организација предупреди да не се употребува ибупрофен за справување со симптомите на СOVID-19!
Постојано кружат различни информации за ефектот на ибупрофен врз лицата заболени од „СOVID-19“ во последните неколку дена на социјалните мрежи. Меѓу нив беше и употребата на парацетамол наместо ибупрофен.
Францускиот министер за здравство, Оливие Верн, изјави дека антиинфламаторните лекови како ибупрофен и кортизон можат да бидат „отежнувачки фактор“ во борбата со СOVID-19.
Научниците ги поддржаа тврдењата на францускиот министер за здравство, односно потврдија дека луѓето што покажуваат симптоми на СOVID-19 треба да користат парацетамол (ацетаминофен), наместо ибупрофен.
Поради тоа, Светската здравствена организација предупреди да не се употребува ибупрофен за справување со симптомите на СOVID-19. Ибупрофен претставува нестероидно антиинфламаторно средство односно спаѓа во групата на НСАИЛ (нестероидни антиинфламаторни лекови). Се продава под голем број на брендови, вклучувајќи ги Адвил и Нурофен. Покрај третирање на болка, се почесто се користи за управување со треска поврзана со разни вирусни или бактериски инфекции.
Парацетамолот е познат како ацетаминофен и се продава под брендови како што е Тиленол или Далерон. Најчесто употребуван како аналгетик (против болки) и антипиретик (за намалување на температурата). Се смета дека е сигурен за употреба во препорачани количества. За акутно предозирање се смета земањето на повеќе од 1000 mg од еднаш и повеќе од 4000 mg во текот на еден ден за возрасни.
Од Светската здравствена организација парацетамолот се смета како едно од основните лекарства за најголемиот дел од популацијата.
Без оглед дали се појавува загриженост за ефектот на ибупрофен врз СOVID-19, докажано е дека ацетаминофен претставува најпосакуваниот избор за повеќето пациенти.
Се додека не постојат нови информации, луѓето треба да земаат Парацетамол за лекување на симптомите на покачена телесна температура, освен ако не сте алергични или не ви е кажано од вашиот лекар дека парацетамолот не е погоден за вас!
Пациентите пак, кои земаат редовна терапија кортизон или други стероиди не треба да ги прекинуваат, освен по совет на нивниот лекар.
Внимателно, не секоја покачена телесна температура значи коронавирус!
Ако имате вирус, можеби е корисно да се земе предвид дека треската, односно покачената телесна температура е дел од природната одбрана на телото од инфекција. Првата работа што луѓето треба да ја одлучат е дали воопшто да ја третираат треската. Многу е вообичаено луѓето да сакаат да интервенираат кога ќе видат дека топломерот покажува покачена телесна температура.
Нема причина за паника!
Повеќето смртни случаи од СОВИД-19 има кај постарите лица и оние со основни здравствени состојби како што се кардиоваскуларни заболувања. Се смета дека вирусот влегува во алвеоларната клетка на белите дробови преку ACEII рецепторот. Вирусот ја уништува таа клетка, а оттука и сè што таа произведува. Процентуално повеќе, мажите имаат поголем број на рецептори во споредба со жените, Азијците имаат повеќе во споредба со Белците, а луѓето кои земаат антихипертензивни лекови или друга хронична терапија, имаат поголема експресија на овие рецептори токму поради долгогодишното користење на антихипертензивна терапија, па затоа се и поподложни на инфекции, а кај нив инфекцијата има посериозна симптоматологија.
Важно!
Доколку имате симптоми на сува кашлица и покачена телесна температура не се самолекувајте со Бруфен! Доколку постои и минимален сомнеж, веднаш контактирајте стручно лице!
