Неговата исхрана се состоела од многу протеини и 3 500 калории на ден
Првата асоцијација за Вил Смит, најверојатно секогаш ќе остане како Fresh Prince of Bel Air. Сепак, оттогаш се поминати многу години, а во тие години улогите на Смит се менувале позиционирајќи го на А листата на актери во Холивуд. Последниве години, тој наместо да старее станува сè позгоден и помускулест. За ова секако се заслужни неговите улоги во акционите хитови, а особено еден од последните филмски хитови Suicide Squad, за којшто требаше да покаже добра кондиција.
Тој знаел дека тренирањето за овој филм, ќе биде сериозен потфат, најмногу заради фактот дека за време на подготовките, тој имал 47 години. Вежбал напорно, толку напорно што скинал и мускул. Освен тоа, немал многу време да се опоравува, па за брзо време повторно продолжил со истото темпо. Останатите актери од филмот кажуваат дека тој бил толкава инспирација, што и тие морале напорно да вежбаат. Неговата рутина ја објаснува неговиот тренер Арон Фергусон:
„Сакам традиционални бодибилдинг вежби со контролирани движења, без голема тежина но совршена форма, со цел никој повторно да не се повреди“.
Конкретно, тренерот и Вил се фокусирале на неговите стомачни мускули и најмногу вежби се правеле на справите за стомачни мускули. Неговата исхрана се состоела од многу протеини и 3 500 калории на ден, без особено да води сметка колку пати јадел. Бил многу дисциплиниран и за време на целата подготовка воопшто не пробал јаглехидрати.
