Споделете со пријателите!
Прочитајте како Џерард Батлер доби мускулесто тело за филмот „300“
Фитнес трансформацијата на Џерард Батлер за неговата улога како кралот на Спарта во филмот „300“, е една од најмоќните трансформации во Холивуд. За неговиот изглед на спартански воин, Батлер вежбал интензивно четири месеци. Неговиот фитнес режим се состоел од многу подигања на вратило, тежински тренинг со голема тежина (60 кг), стомачни и комбинација од нетипични вежби како фрлање на големи гуми, скокање во нив и надвор од нив, интензивно трчање со жица позади за да се создаде отпор, итн.
„За да изгледа како спартански крал, Батлер вежбал интензивно шест часа дневно со приватен тренер“
Овој „пекол“ наречен дневна фитнес рутина, му го приредил тренерот Марк Твајт, познат планинар. Неговата исхрана се состоела од богати и чести оброци богати со протеини и јаглехидрати. На познатиот актер му било многу тешко да го постигне совршениот изглед на воин кој излегол од стрип, најмногу заради тоа што тој е долгогодишен пушач, па затоа вежбал повеќе од останатите, односно 6 часа дневно или 2 часа повеќе од сите други.
Спартанската фитнес програма на цела екипа од „300“, започнала со кардио вежби во теретана без клима, со цел побрзо да ги истопат килограмите. Дневно јаделе многу пилешко, протеински пијалак и зеленчук.
Споделете со пријателите!
