БПХ е често заболување кај мажите над својата педесета година каде медикаментозното лекување се спроведува на неколку начини
Бенигната простатична хиперплазија (БПХ) е најчесто заболување кај мажи постари од 50 години. Инциденцата на ова заболување расте со возраста, почнувајќи од 8% во четвртата деценија, до 90% во деветтата деценија од животот.
Медикаментозното лекување се спроведува со примена на:
Алфа блокатори – овие лекови ги блокираат адренергичните алфа-1 рецептори, кои ги има во простатичниот дел од уретрата, вратот и подот на мочниот меур. Со блокирање на овие рецептори, се повлекуваат иритативните симптоми, во повеќе од 75% од случаите.
Во оваа група влегуваат: prazosin, terazosin, doxazosin, tamsulosin, alfuzosin и silodosin.
Ефектот од терапијата со овие лекови е брз и се манифестира после десетина дена. Најчести несакани ефекти – вртоглавица и ретроградна ејакулација.
Инхибитори на 5 алфа редуктаза – овие лекови го блокираат ензимот 5 алфа редуктаза кој, со што се стопира претворањето на тестостерон во дихидротестостерон. Дихидротестостеронот е директно задолжен за раст на простатата. Со намалувањето на неговото ниво, се намалува и волуменот на простатата, просечно 20% на годишно ниво. Исто така, овие лекови го намалуваат нивото на серумското PSA за 50%, после 6 месечна примена.
Во оваа група спаѓаат: finasterid и dutasterid.
Ефектот од терапијата со овие лекови се манифестира после три месеци. Најчести несакани ефекти се еректилна дисфункција и ретроградна ејакулација
Комбинирана терапија – Комбинација од алфа блокатор и 5 алфа редуктаза инхибитор – кога волуменот на простата е повеќе од 30/40 гр,
4. Во најновите препораки на EUA се препрачуваат и лекови од групата на инхибитори на фосфодиестераза (PDE 5).
д-р Трајче Јанкулоски, специјалист уролог
