Никој не може да остане рамнодушен на вкусен, освежувачки сладолед во текот на топлото лето. Одвојте само 30 минути од денот за да го приготвите домашниот сладолед за да може да започнете со уживање во летните денови
Сладоледот од црвени сливи и јогурт послужен со ситно издробени ф’стаци го поседува оној слатко-киселкаст вкус што освојува уште при првиот залак. Прочитајте што ви е потребно за едноставната и куса подготовка на неодоливиот сладолед во несомнено ќе се нурнете да уживате со вашите најблиски.
- 500 г црвени сливи
- 250 мл грчки јогурт
- 120 г шеќер
- 100 г шеќер во прав
- 100 мл слатка павлака
- 50 мл млеко
- 2 г листови желатин
- 1 мала шолја ф’стаци
Најпрво извадете ги коските од сливите, исечете ги на помали парчиња и ставете ги во тенџере заедно со шеќерот. Гответе ги зашеќерените сливи на среден оган околу 6 мин. со привремено мешање, а потоа покријте го тенџерето со капак и продолжете со готвење на истата температура уште 10-15 мин.
Оставете го мармаладот од сливи да се олади и потоа изматете го со миксер. Ставете го млекото да се затопли на 60°C, а во меѓувреме натопете ги листовите желатин во студена вода и оставете ги да се исцедат. Потоа тргнете го млекото од оганот и ставете ги листовите желатин во него. Мешајте додека желатинот не се стопи и потоа оставете ја смесата да се олади.
Измешајте го јогуртот со шеќерот во прав и слатката павлака, а потоа додадете ја веќе млаката смеса од млеко и желатин. Додадете го мармаладот од сливи, измешајте и ставете ја смесата во ладилник. Сервирајте го сладоледот со издробени ф’стаци и уживајте во неговиот освежувачки вкус.
