805 Милиони луѓе патат од последици поврзани со хроничен глад
Светскиот ден на храната е ден за акција против гладта. На 16 октомври луѓе од целиот свет земаат учество и обврска да ја намалат гладта, односно да го искоренат овој проблем.
Зошто треба да се грижиме за гладта? Бидејќи правото на храна е основно човеково право. Во светот 805 милиони луѓе патат од последици поврзани со хроничен глад.
Овогодинешната тема е климатски промени, односно да се запре глобалната криза преку делување. Делувањето подразбира да се јаде повеќе зеленчук а помалку месо, бидејќи денешното производство на месо во големи количини му штети на животната средина.
Добрата вест е дека едноставните секојдневни избори што ги правиме, може многу да значат на долгорочен план. Уништувањето на гладот зависи од сите нас, бидејќи светот произведува доволно храна за да се нахрани секој човек на планетата. Воедно, доколку се консумира повеќе храна од растително потекло, а помалку месо, не само што ќе се заштити земјата од уништување, туку ќе се заштитат и животните.
