Вистината можеби малку ќе ги разочара сите вежбачи кои сакаат да постигнат инстантни резултати со помош на вибрациските машини за вежбање. И покрај тоа што има многу задоволни до сега, овие справи создадени со цел вежбањето да го направат „8 билиони“ пати поефикасно, всушност не даваат големи резултати
Производителите на вибрациските справи за вежбање тврдат дека овие „неверојатни“ машини пренесуваат бранови на енергија низ телото, што прави мускулните влакна да работат поинтензивно. Овие справи се идеални за зголемување на ефектот додека на нив на пример правите некакви други физички вежби (склекови, чучнувања и сл.). На тој начин на мускулите им давате дополнителен поттик. Сепак, науката до сега не ја потврдила нивната ефикасност.
„Мислењето е дека во основа со тренирањето на нестабилна површина, можете да поттикнете активирање на повеќе мускули“ – вели Метју Бун.
„Не постојат апсолутно никакви докази дека тие воопшто нешто прават. Колку што знам, никогаш немало студија и сè она што го велат дека тие можат да го сторат е чиста анегдота. Јас сум уверен дека некои луѓе имаат фантастични искуства, но доколку тие би ме прашале мене што јас мислам, дали вежбањето на вибрациските машини за вежбање е поефикасно отколку вежбањето со тегови или кардио тренинзите, одговорот е: Не, јас не мислам така“ – истакна Метју Бун – Matthew Boon еден од сопствениците на Sig Fit Bondi во едно интервју за The Huffington Post Australia.
За да не настане некаква забуна, морам да напоменам дека само за брендот на вибрациски машини Power Plate постојат научни докази и истражувања за нивната ефикасност. До сега до некаде е потврдено дека вежбањето на нестабилна подлога нема да ги направи вежбите појаки, туку на некој начин може да влијаете и на групите мускули кои се подлабоко поставени. Овие машини имаат и други придобивки. „Всушност тие можат да бидат добри за луѓето со проблеми во циркулацијата, затоа што тие го поттикнуваат протокот на крв“ – додава Бун.
Според Бун местото на овие справи не е во теретаната, туку во центрите за рехабилитација.
Бун смета дека нема потреба од овие справи. „Оние коишто сакаат да го максимизираат својот фитнес тренинг користејќи вибрациски справи е слично со скокањето на една нога и обидот да го допрете палецот на ногата додека решавате крстозбор. Сето ова нема да ве усоврши во решавањето крстозбори“ – објаснува тој.
Метју Бун сите кои сакаат врвни и брзи резултати, ги советува да се придржуваат кон традиционалните и проверени методи за вежбање. Треба да имаме исто така предвид дека секоја индивидуа е различна, секој има различен метаболизам и различен начин на живеење. Затоа најдобро е да се консултирате со професионален тренер околу најсоодветниот начин на вежбање и програма на вежби за вас.
