Погрешната употреба на антибиотици може сериозно да го наруши здравјето
Антибиотиците се лекови кои се користат за лекување на бактериски и габични инфекции, како и некои паразити. Тие исто така се користат и за лекување на многу респираторни заболувања кои се предизвикани од вируси. Но колку пати сте го посетиле вашиот лекар инсистирајќи на потребата од антибиотик, иако не ви бил потребен?
Во светот, секоја година се пишуваат околу 47 милиони рецепти повеќе од потребното.
Со текот на времето, земајќи непотребни антибиотици, се намалува ефикасноста на делувањето на потребните антибиотици. Покрај тоа, антибиотиците може да предизвикаат несакани ефекти, како алергиски реакции и дијареа. Други несакани дејства се вагинални инфекции, гадење и повраќање. Секако, антибиотиците можат да бидат моќни за пациентите кои страдаат од инфекции опасни по живот, канцер, изгореници или трауми. Но, нивниот ефект се губи доколку се претерува. Препорачливо е лекарите и сите здравствени работници да придонесуваат кон намалување на неправилната употреба на антибиотиците и да разговараат со пациентите за дефинирање на правилна употреба на лекот и неговите намени.
Која е правилната употреба на антибиотиците? Антибиотиците можат да третираат бронхитис, пневмонија, инфекции на увото, стрептококни инфекции, односно болести кои се предизвикани од бактерии. Но во некои случаи, болеста може да започне како вирусна инфекција, а потоа, при намален имунитет да премине и во бактериска суперинфекција. Ако симптомите траат подолго од нормално или ако состојбата постојано се влошува, зголемена е можноста за присуството на бактериите.
Напомена: Сепак, доколку лекарот ви даде лекови, задоложително земете ги сите препишани антибиотици, дури и да се чувствувате подобро. Никако не ја прекинувајте терапијата.
