Манџа боранија секогаш добра идеа за ручек
Едно од оние јадења кои нашите мајки и на сон ги знаат, а доколку прашате за рецепт сé е отприлика и со насоки „ќе видиш колку треба“ и сл.
- 1 кромид, средно ситно исецкан;
- 1 – 2 пиперки, исечени тенки полукругчиња;
- 1 kg боранија;
- 2 – 3 моркова, исечени на полу или четвртина кругчиња;
- сол;
- 3 – 4 чешниња лукче, не многу ситно исецкано;
- 2 домати, излупени* и ситно исецкани;
- малку магдонос.
Исчистете ја боранијата од гранчињата, врвовите и конците така што ќе го засечете врвот или делот со гранчето скоро до крај и ќе повлечете по должината на мешунката. Исечете ја боранијата на половинки попреку, а потоа на половинки или четвртинки по должина.
На средно загреано масло ставете ги кромидот и пиперките и промешајте, потоа веднаш додајте ги боранијата, морковите, сол и вода колку да се покрие целата боранија. гответе ја на средно, повремено промешувајте и додавајте вода или масло според тоа колку течна ја сакате манџата. На средина од готвењето ставете го лукчето, а на крај доматите и многу магдонос.
* за лесно да ги излупите доматите, засечете ги на долниот дел и потопете ги во зовриена вода околу 1 минута.
* рецептите со во целост преземени од ситно сецкано
