Во Скопје се отвори лабораторија со врвна технологија која ќе нуди прецизни и брзи резултати
БИОТЕК лабораторијата, претставува прва специјалистичка лабораторија направена по водечки светски стандарди и опремена со најсовремени технолошки апарати од најголемите светски производители на медицинска опрема.
Опремата и реагенсите се од врвни светски брендови, а лабораторија ќе нуди комплетна клиничка анализа со најсовремена технологија, мониторирана и сертифицирана во Англија на месечно ниво. Врвната технологија дава брзи и прецизни резултати, a високо стручниот кадар е гаранција за грижата на здравјето на секој пациент.
“Со 17 годишно искуство на БИОТЕК во работа со врвни светски производители во областа на биохемија, имунологија, микробиологија и молекуларна биологија, решивме да инвестираме во лабораторија во која најдобрите производи во овиe области ќе бидат достапни за секој пациент. Со инвестирање во една ваква лабораторија која пред сè има најсовремена опрема и одличен медицински кадар, сакаме да придонесеме максимално кон подобрување на здравјето на луѓето преку брза и прецизна анализа која ја нудат овие апарати и која ќе биде на месечно ниво мониторирана во Англија. Со инвестирање на комплетно автоматски методи и контроли ќе бидеме во чекор cо највисоките лабораториски европски стандарди. Истовремено, по европски модел, во нашата лабораторија се одржуваат и едукациски работилници за нашите клиенти од Македонија.” – изјави г-ѓа Анкица Синадинова – Базерко.
Во БИОТЕК Лабораторија ангажиран e искусен тим на доктори и медицински лица кои при секоја изработена анализа, бесплатно ќе нудат дополнително мислење.
