Специјалната очна болница „Деница“ со добротворни активности
По повод Светскиот ден на видот, во Специјалната очна болница „Деница“, вчера беа организирани бесплатни систематски офталмолошки прегледи за 30 ученици со интелектуална попреченост, односно со посебни потреби од државното средно учичиште „Свети Наум Охридски“ од Скопје.
„Специјалната очна болница Деница, традиционално на Светскиот ден на видот, односно секоја година спроведува ваков тип на добротворни активности, како дел од нашите принципиелни залагања за перманентно јакнење на општествената одговорност кон заедницата“, изјави д-р Виолета Бучковска, медицински директор на Болницата. Според неа, на овој начин, Деница сака да придонесе уште повеќе да се зајакне свесноста кај граѓаните во однос на потребата од редовна грижа за очното здравје.
Светскиот ден на видот се одбележува секоја година, вториот четврток во месец октомври на иницијативата на Светската здравствена организација, а со цел општествата и граѓаните да посветат соодветно внимание на сите оштетувањата на видот, на проблемите со слепилото, како и на рехабилитацијата на слабовидните лица.
