Вкусен и многу лесен рецепт за банана сплит
Сладоледот е лесен за правење и неверојатно вкусен. Овој вкус ќе ве однесе директно во лето, на плажа покрај море. Направете десерт за уживање во топлиот викенд, без да поминете долго време во кујна. Исто така, имајте на ум дека се јаде уште побрзо отколку што е потребно да се направи.
- 200 г путер од кикирики;
- ½ шолја шеќер;
- 1 кесичка ванилин шеќер;
- 2 шолји слатка павлака;
- 50 г темно чоколадо.
Јас употребив малку крцкав, купечки, путер од кикирики во кој нема никакви додатоци, ни сол, ни конзерванси, ни некои масла. Путерот од кикирики можете и сами да го направите со долго мелење на живи или печени кикирики во сецко.
Прво изматете го путерот од кикирики со шеќерот и ванилата, па постепено додавајте слатка павлака, за полесно да се измеша и да не прска од садот. префрлете ја смесата во сад со капак, посипете ја со чоколадо исечено на коцкички и ставете ја да се замрзне.
- банана;
- сладолед од путер од кикирики;
- шлаг;
- суво грозје;
- сецкани бадеми;
- стопено темно чоколадо.
Нема потреба од рецепт тука, само исечете ја бананата на половина по должина и врз неа ставете од другите состојки.
* рецептите со во целост преземени од ситно сецкано
