asparagus-so-holandski-sos
Споделете со пријателите!

Шпаргла подготвена на пареа, збогатен со холандски сос, за ручек богат со витамини и малку калории 
Шпарглата е зеленчук богат со витамини, минерали и растителни влакна. Има голема хранлива вредност и содржи малку калории. Токму затоа, овој зеленчук треба почесто да биде дел од семејната трпеза. Доколку шпарглата е свежа, треба да се подготви на наједноставен начин за најдобро да се истакне неговиот вкус и да се искористат неговите корисни својства. Готвењето на пареа, го прави јадењето не само поздраво и повкусно, туку и поубаво. Овој пат, ви подготвивме шпаргла со холандски сос, зготвен на пареа. Вака подготвена, шпарглата ја задржува својата јака зелена боја, а сосот е совршено мазен.

  • 800 гр. свеж зелен шпаргла;

Потребни состојки за сосот:

  • 1/2 пакување путер (120 гр.) – стопен;
  • 1 лажиче сок од лимон;
  • 4 лажици жешка вода;
  • 3 жолчки;
  • сол и бибер.

asparagusЗа подготовка на шпарглата, ставете вода во поголемо тенџере и оставете ја да врие на тивок оган. Измијте ја шпарглата и отсечете го тврдиот дел на крајот на стапчињата. Ставете го во цедалка или во мрежа за варење на пареа и покријте го со капак. Подготвена на ваков начин, шпарглата е готова за 15 минути. Внимавајте да не го оставите предолго, за да не стане премногу мек.

За сосот, потребно ви е истото тенџере со вода која врие на тивок оган. Во помало тенџере кое што може да се смести во поголемото, ставете ги жолчките и веднаш почнете да ги матите со маталка.

Водата во поголемото тенџере не смее да врие премногу силно, ниту помалото тенџере да ја допира водата.

Матете ги жолчките 2-3 минути, сè дури не почнат да се згуснуваат. Додавајте една по една лажица жешка вода и продолжете да матите за да се згуснат жолчките. Додајте го сокот од лимон, и полека почнете да го додавате стопениот путер, малку по малку, додека матите постојано. Сосот ќе се згусне многу повеќе кога ќе го тргнете од оган, па затоа, ставете го настрана уште кога ќе изгледа доста течен. На крај, додајте сол и бибер. Овој сос е исклучително вкусен, па така, освен со шпаргла, може да го подготвите со други видови на зеленчук, со поширани јајца, со лосос или бифтек. Шпарглата, може да ја јадете и на парче тостирано лепче со путер, и врз него пржено јајце на око, полиено со холандски сос.

Прочитајте:  Киш со цвекло, ореви и сирење манури

Ставете неколку стапчиња на чинија, и на средина полијте ги со сосот.

* рецептите во целост се превземени од ситно сецкано


Споделете со пријателите!