Заменик-министерот за здравство, Јовица Андовски во посета на Охрид
Заменик-министерот за здравство, Јовица Андовски, вчера имаше работна средба со менаџерските тимови на Општата болница, Здравствениот дом и Итната медицинска помош во Охрид, при што беше констатирано дека здравствените работници од овој регион успешно и навремено ги обезбедуваат потребните здравствени услуги за граѓаните во летниот период и се справуваат со последиците од топлотниот бран што деновиве ја зафати нашата држава.
Здравствените установи во Охрид и во услови на високи летни температури обезбедуваат брза и квалитетна здравствена заштита за граѓаните од овој регион, и зголемениот број домашни и странски туристи кои престојуваат во овој град. Итната медицинска помош функционира со 13 тимови на територијата на Охрид и околните населени места. За потребите на Итната медицинска помош се доделени и три нови возила опремени со: ЕКГ апарат, дефибрилатор, респиратор и друга медицинска опрема, беше истакнато на денешната средба на заменик-министерот Андовски.
Превземено од: Министерство за здравство на Република Македонија
