Американските научници откриле дека должината на теломерот во клетките одговорни за имунитетот влијае на тоа дали ќе бидеме склони кон настинки, вируси и инфекции, и дека врз основа на тоа може да се предвиди сериозноста на хроничните болести.
Оцената на должината на теломерите е индикатор за општото здравје на организмот затоа што тие се структури кои се наоѓаат на краевите од нашите хромозоми, а главна задача им е да го штитат нивниот генетски материјал. За да се опишат сликовито, велиме дека тие се како пластични обвивки на крајот од врвките од чевли кои ги штитат истите од оштетувања.
Теломерите со секоја делба на клетката се скратуваат, стануваат сѐ пократки а последица од тоа скратување е стареење и слабеење на имунитетот.
На крај стануваат премногу кратки за да ѝ овозможат делба на клетката, заради што клетката повеќе не може да се дели туку умира, што е нормален биолошки процес.
Голем број научници имаат работено на оваа тема и откриено е дека должината на теломерот, односно делот на ДНК од крајот на хромозомот во клетките на имунолошкиот систем, влијае на тоа дали ќе бидеме склони на настинки, вируси и инфекции и како нивната должина влијае на должината на нашиот живот. Сигурно познавате некој кој не настинува или не добива грип ниту кога владее епидемија. Иако во главно се смета дека овие луѓе имаат посилен имунитет од останатите, научниците тврдат дека делот на ДНК на крајот на хромозомите е тој кој ги заштитува генетските информации од оштетување.
Одредени здравствени фактори и начинот на живот, како што се дебелината и пушењето цигари, може да го забрзаат процесот на нивно скратување. Пократките теломери се поврзуваат со кардиоваскуларни болести, дијабетес и повеќе видови на рак.
Американските научници откриле дека должината на теломерот во клетките одговорни за имунитетот влијае на тоа дали ќе бидеме склони кон настинки, вируси и инфекции, и дека врз основа на тоа може да се предвиди сериозноста на хроничните болести.
Со текот на годините кај сите луѓе ризикот се зголемува, но кај оние кои имаат подолги теломери, шансите за разболување се помали и покрај годините. Научниците заклучиле дека кратките теломери се дефинитивен знак дека личноста е склона на вирусни заболувања, по брзо стареење и склоност кон кардиоваскуларни заболувања. Должината на теломерите како што сугерираат повеќето од истражувањата се наследува од родителите но силно влијание на нив има и начинот на исхрана и стилот на живот. Доволно спиење, цели зрна, зелени алги, морска храна и консумирање на зеленчуци ги одржува теломерите млади и го забавува нивното скратување. Со консумирање на газирани напитоци (1 чаша дневно) се зголемува возраста на теломерите за две години, односно води до нивно скратување.
Во храните кои ја намалуваат должината на теломерите се вбројува и оризот тестенините, бисквити и сладолед. Овие податоци се објавени во книгата „Ефектот на теломерите“ од добитникот на нобелова награда Д-р Елизабет Блекбурн и Елиза Епел од Калифорнискиот универзитет.
