Меѓународен ден за борба против ракот кај децата

Леукемијата и ракот на мозокот се меѓу најчестите типови на рак што може да се појават во детството.

Ракот е термин за голема група на болести кои можат да влијаат на кој било дел од телото. Клетките на ракот имаат способност да се разделуваат брзо и абнормално и да растат надвор од нивните нормални граници и напаѓаат одредени делови од телото каде што се здружуваат и се шират на други делови. Постојат 12 видови на рак што може да се појават кај децата. Леукемијата и ракот на мозокот се меѓу најчестите типови на рак што може да се појават во детството.

Меѓународниот ден за борба против ракот кај децата претставува глобален настан за подигнување на свеста за ракот кај децата и за изразување на поддршка за децата и адолесцентите коишто боледуваат од рак, оние што се излечиле од рак, како и за нивните семејства.

Овогодишната кампања го носи името „Advance Cures and Transform Care“. Ова име ги нагласува диспаритетот на пристапот до медицинската грижа во повеќето земји со низок и среден приход каде што живеат 80% од децата со рак. Децата и адолесцентите во Африка, Азија и Латинска Америка и во делови од Источна и Јужна Европа сè уште немаат пристап до соодветен третман, вклучувајќи ги и основните лекови и специјализираната нега.

Меѓународниот ден за борба против ракот кај децата има за цел да нè поттикне да ги разбереме проблемите и предизвиците со коишто се соочуваат децата што боледуваат од рак како и нивното влијание на нивниот живот и на животот на нивните најблиски. Меѓудругото, овој ден ја нагласува важноста на пристапот до подобар третман и грижа за сите деца со рак.

Клучни факти за ракот кај децата

Најчести видови на рак коишто може да се појават кај децата и адолесцентите се:

• Леукемија (рак на крвта или коскената срж);
• Рак на мозокот и нервниот систем;
• Рак на бубрег;
• Остеосарком;
• Ретинобластом;
• Рак на надбубрежна жлезда;
• Хепатобластома (рак на црниот дроб).

Статистистички податоци за ракот кај децата

• Меѓународната агенција за истражување на ракот, во извештајот што го издаде во 2016 година, посочи дека глобалната појава на рак кај децата може да биде значително повисока отколку што претходно се мислеше.
• Извештајот од 2001-2010 година, кој проучувал повеќе од 1000 записи во 68 земји, покажува дека околу 300.000 случаи на рак се дијагностицираат кај деца и адолесценти на возраст под 19 години. Тоа укажува дека има околу 80.000 смртни случаи предизвикани од рак годишно низ целиот свет.
• Според Меѓународната агенција за истражување на ракот, од 165.000 на 215.000 нови случаи годишно за деца на возраст од 14 години и помлади и 85.000 нови случаи за дена на возраст од 15 до 19 години. Многу повеќе остануваат неистражени и непријавени поради недостаток на регистри за рак кај децата во голем број земји.

Клучни цели на кампањата „Advance Cures and Transform Care“

Во следните 3 години, Меѓународниот ден за борба против ракот кај децата ќе се фокусира да:

1. Изгради глобална свест дека повеќе од 300.000 деца секоја година се дијагностицирани со рак;
2. Изгради глобална свест дека многу видови на детски рак се излечиви ако се даде право на рана и правилна дијагноза, право на пристап до основните лекови и право на соодветни и квалитетни медицински третмани.
3. Работи кон целта за одржлив развој на Обединетите нации за намалување на предвремената смртност една третина до 2030 година.