Зголемениот ризик за појава на аутизам
Јасно е дека честичките се покриени со безброј загадувачи кои можат да продрат во клетките, со што би можеле потенцијално да го нарушат развојот на мозокот на детето, но не е јасно на кој начин малите честички може да допринесат за појава на аутизам.
Децата чии мајки биле изложени на високо ниво на ПМ честички од загадувањето во нивната доцна бременост, двојно повеќе го зголемиле ризикот за развој на аутизам кај нивните деца, во споредба со децата чии мајки не биле подложни на зголемено аерозагадување, објавија научниците. Колку е поголема изложеноста на ПМ честички што се испуштаат од возилата и индустриските оџаци, пожарите до толку е поголем ризикот, открива оваа студија.
Претходното истражување, исто така, пронашло врска со аутизмот и загадувањето, вклучувајќи и студија од 2010 година, која покажала дека ризикот од аутизам се удвојува ако мајката, за време на нејзиното трето тримесечје, живеела блиску до автопат, со што директно ја зголемила изложеноста на штетни честички. Иако нарушувањето има силна генетска основа, зголемената инциденца ги поттикна научниците да ги истражат еколошките причини, исто така, бидејќи гените не се менуваат доволно брзо за да го објаснат ваквиот тип на пораст. Во една студија на Харвард биле вклучени деца од 116.430 жени. Истражувачите собрале податоци за тоа каде жените живееле во текот на бременоста и нивото на загадување со ПМ честичките. Тие потоа ги споредувале пренаталните истории на 245 деца со нарушување на аутистичкиот спектар на 1.522 деца кои нормално се развиваат. Не постоела асоцијација помеѓу аутизмот и загадувањето со ПМ честички пред или во почетокот на бременоста, или по раѓањето на детето. Но, високото ниво на изложеност во текот на третиот триместар двојно го зголемил ризикот од аутизам. „Тое е доказ дека изложеноста на мајката на загаден воздухот влијае врз ризикот за појава на аутизмот на нејзиното дете“, рече епидемиологот на Харвард, Марк Вајскофф, кој ја предводеше студијата, предлагајќи начин како да се намали ризикот.
Да не бидеме погрешно разберени, зголемениот ризик за појава не значи дека со сигурност ќе допринесе за појава на аутизам!
Минатата година Агенцијата за заштита на животната средина, повикувајќи се на врската со астма, ракот на бели дробови и низата на кардиоваскуларни болести, ги зајакна стандардите за квалитет на воздухот за загадувањето со фини честички. Државите имаат рок до 2020 година да ги исполнат новите светски стандарди, со што значајно би го намалиле ризикот за појава.
