Важно е да се има предвид дека само затоа што сода бикарбоната е природна не значи дека ќе има добри ефекти кај секого.
Само затоа што е природна не мора да значи дека сода бикарбоната е безбедна да се користи како средство за постојано одржување на косата. Додека некои наоди сугерираат дека сода бикарбоната помага во темелното чистење на косата, дел од медицинските лица не се целосно сигурни колку таа е здрава за косата.
Сода бикарбоната има pH9, што е многу повисоко од од pH вредноста на скалпот. Користењето на производ со толку висока pH вредност, всушност, може да ја оштети косата. Со текот на времето, сода бикарбона може да го отстрани природното масло од косата, да доведе до оштетување и да ја направи косата слаба и кревка.
Луѓето со многу мрсна коса може да имаат придобивки од употребата на сода бикарбона, но, сепак, треба да ја користат претпазливо и во краток временски период, бидејќи, иако таа може да помогне да се отстрани вишокот на масло од косата и да ја направи чиста, сјајна и мека, може да не е најдобриот избор за долгорочна употреба.
Сепак, исто така, сода бикарбоната има својства на ексфолијант и може да помогне во отстранувањето на сувата кожа од скалпот. Многумина коишто се сомневаат во состојките и адитивите содржани во скапите шампони често претпочитаат сода бикарбона како економична и здрава алтернатива за одржување на косата.
Многумина, пак, ја исплакнуваат косата со јаболков оцет откако ја мијат со сода бикарбона, бидејќи таа има висока pH вредност, а плакнењето со оцет е обид да се врати природната pH вредност на скалпот. Некои луѓе оваа техника ја користат секој ден, а други еднаш неделно.
Ризици од користење на сода бикарбона
Поради својот абразивен состав, сода бикарбоната може да биде добро средство за чистење на скари, печки и мијалници од нерѓосувачки челик. Сепак овој состав понекогаш може да биде премногу суров за косата. Сода бикарбона е, исто така, многу поалкална од комерцијалните шампони и има повисоко ниво на рН вредност од скалпот. Ризиците од користење на сода бикарбона на косата вклучуваат:
Сува коса
Додека сода бикарбоната добро ја чисти косата, истовремено може да ги отстрани нејзините природни масла, што може да доведе до сушење на скалпот. Количината на масло во косата варира кај поединци. Иако премногу масло може да ја направи косата изгледа мрсна, истото е потребно за да се одржи здравјето на скалпот.
Пукање на врвовите на косата
Сода бикарбона е вид на сол која се состои од ситни, абразивни зрна. Косата е деликатна, а овие мали зрна можат да ги оштетат влакната на косата, што доведува до разделување и оштетување на краевите.
Иритација на скалпот
Сода бикарбоната, исто така, може да го иритира скалпот. Оттука, не се препорачува да ја користат луѓе со сув скалп, сува кожа или егзема.
Сода бикарбоната е натриум бикарбонат. Таа има pH од околу 9, што се смета за силна алкалност или база. PH вредноста на скалпот и остатокот од кожата е околу 5,5. Истражувањата покажуваат дека користењето на производ со pH поголемо од 5,5 може да го оштети скалпот. Дополнително, сода бикарбоната ги отвора кутикулите на косата, што предизвикува апсорпција на вода. Додека одредено ниво на влага е добра за косата, премногу апсорпција може да ја ослабне.
Замена за сода бикарбоната
Според Американската академија за дерматологија, најдобро е да се избере шампон врз основа на типот на косата. Пред изборот на производот, размислете дали вашата коса е густа, тенка или мрсна. Луѓето кои ја бојат косата треба да најдат производи наменети за третирање на бојадисана коса.
За оние кои сакаат да користат природни производи, сода бикарбона не е единственото решение. Многу производи на пазарот се прилагодени на специфични типови коса. Природни состојки за нега на коса може да вклучуваат:
Кокосово масло
Кокосовото масло може да помогне да се задржи влажноста на косата и може да биде добро за луѓето со сува коса. Производи кои содржат кокосово масло најчесто може да се најдат во продавниците за за здрава храна.
Алое вера
Алое верата содржи ензим кој може да ги стимулира фоликулите на косата што доведува до раст. Исто така може да го смири сувио и иритиран скалп.
Масло од јојоба
Маслото од јојоба може да има слични карактеристики како природното масло на косата и може да помогне да се балансира производството на масло и да се третира сувата коса.
