Мекиот душек заменете го тврд што ќе ви помогне да ја задржите природната линија на ‘рбетот
Избегнувајте лош став на телото
Мрзеливото и опуштено држење на телото го зголемува стресот на ‘рбетниот столб. Тоа предизвикува напнатост на коските, мускулите и зглобовите што го држат ‘рбетот исправен. Но лошиот став не е само лош за ‘рбетниот столб. Постојаното искривено држење на телото ги притиска внатрешните органи и го отежнува работењето на белите дробови и цревата. Со текот на времето тоа може да го отежни и варењето на храната и вдишувањето и издишувањето.
Не се навалувајте на работната маса
Обидете се да седнете исправени во вашата столица. Можете да ставите мал пешкир завиткан во ролна или перница зад средината на грбот за да се заштити природната крива на ‘рбетот. Свиткајте ги колената под прав агол и држете ги со иста или малку повисока висина од колковите и ставете ги стапалата рамно на подот.
Не бидете низок возач
Спуштањето на седиштето во колата понекогаш може да биде добро, особено при подолго возење. Но тоа не е воопшто добро за положбата на вашиот грб. Наместо тоа, повлечете го седиштето блиску до воланот. Свиткајте ги колената и држете ги во иста или малку повисока висина со колковите.
Набавете го вистинскиот душек
Мекиот душек заменете го полу-мек или тврд што ќе ви помогне да ја задржите природната линија на ‘рбетот додека спиете. Исто така, набавете перница што ќе биде на исто ниво со ‘рбетот.
Вежбајте и зацврстете ги стомачните мускули
Вишокот килограми околу стомакот додаваат дополнителен стрес на грбот. Секому се потребни силни мускули за поддршка на ‘рбетниот столб. Обидете се со физички активности за зацврстување на стомачните мускули.
