Споделете со пријателите!
За среќа е потребно повеќе од еден одмор годишно
Секој се радува на својот годишен одмор, но колку всушност одморот може да нè направи среќни? Дали среќата може да се „купи“ со одмор? Една холандска студија го истражува ова и доаѓа до интересни заклучоци. Тие заклучиле дека оние коишто одат на годишен одмор се посреќни од оние што не одат, но таа среќа спласнува набрзо кога ќе се вратат. Најголема среќа меѓу испитаниците е забележана пред одмор, односно кога тие го планираат одморот.
Планирањето на одморот, дури и еден месец пред да одите на одмор, значително го зголемува чувството на среќа и нè прави посреќни отколку самиот одмор, велат истражувачите.
На одмор, чувството на среќа е често прекинато од непријатности при патување, престој, болест, несогласувања со партнер/пријател и слично. Најголемо ниво на среќа е забележано кај оние коишто се изјасниле дека се чувствуваат релаксирано и одморено, но набрзо и тие не се разликуваат од останатите.
Крајниот заклучок, односно предлог на истражувачите е да се планираат повеќе кратки одмори отколку еден голем одмор за да бидеме посреќни и одморени.
Споделете со пријателите!
