Тартчиња и кростини со јајца од препелица

Брзо јадење за брзиот живот кој го живееме…

Сигурно знаете дека јајцата од препелица се многу здрави, а ние имаме идеја како да ги подготвите.

Откако ќе се одмрзне, исечете го лиснатото тесто на помали квадрати или правоаголници. Засечете го на околу 1 cm од ивицата да направите нешто како рамка која ќе го држи филот, само не го засекувајте тестото до долу, туку само до средина. Ставете ги тестата да се печат во рерна загреана на 180°C околу 10 минути, додека не нараснат и не почнат малку да се заруменуваат, ама да не се целосно испечени.

Сланината можете да ја испржите на кратко, во тавче без масло, или 20 – 30 секунди во чинија во микробранова печка.

Јајцата од препелица се навистина мали и ако ги кршите како кокошкини, можно е жолчката да се растече. тоа не е проблем ако правите кајгана, но за овие тартчиња поубаво е жолчката да биде цела. Најлесно ќе ги отворите ако со нож исечете отприлика една третина од врвот на јајцето.

Извадете ги тестата од рерна и со лажиче притиснете го малку средишниот дел, да направите вдлабнатина за филот. Ставете врз секое малку рендан кашкавал, сланинче, кругче пиперка и јајце од препелица, и вратете ги да се допечат уште 8 – 10 минути, или додека белката од јајцето не е целосно зготвена.

За варење е потребно многу помалку време отколку за јајца од кокошка. Варете ги околу 3 минути, а потоа оладете ги во ладна вода, чукнете ги од неколку страни за лушпата да се распука вратете ги во водата. Кога водата ќе навлезе помеѓу лушпата и белката, многу лесно се лупат.

Варените се многу вкусни на кростини од потпечен домашен интегрален леб, со мајонез, кашкавал, домат, пиперка и босилок.

* рецептите со во целост преземени од ситно сецкано