Најголемите светски компании IKEA и Apple ви ја претставуваат иднината во одбирањето мебел
Домувањето е важен аспект од животниот стил, а технологијата е неминовен дел од живеењето. Кога двата најголеми бренда во овие полиња ќе се спојат, очекувајте дека тоа што заеднички ќе го претстават ќе ја промени иднината во купувањето мебел. IKEA и Apple деновиве заеднички ја пласираа својата најнова иновација. Мајкл Валдсгард (Michael Valdsgaard), претставникот од „Икеа“, истакна дека овој проект може целосно да го промени начинот на кој купуваме мебел. Од оваа есен, апликакацијата ќе биде достапна на пазарот.
Функционира на ист начин на кој можете да си одберете облека онлајн.
На својот таблет или мобилен телефон најпрво ја спуштате апликацијата, го одбирате парчето мебел коешто ви се допаѓа и ја насочувате камерата кон просторот во кој сакате да се наоѓа мебелот. На екранот ќе ви се појави фотографија којашто точно ќе ви прикаже како тоа парче мебел одговара во вашиот дом. Првата верзија на апликацијата ќе содржи околу 600 артикли. Бројот ќе се зголемува а за понатаму се планира, секое ново парче мебел првенствено да биде достапно преку апликацијата. Освен тоа, апликацијата ќе нуди и директна продажба.
“Ова ќе биде прва апликација со зголемена реалност (augmented reality – AR) која ќе ви овозможи да донесувате одлуки во купувањете”, истакнува Валдсгард.
