Вкусно тавче гравче кое може да се мери со тоа на нашите баби…
Најдобро е доколку го оставите гравот да отстои во вода неколку часа или преку ноќ, потоа да ја сменете водата и да го ставете да се вари.
- 500 г грав;
- 3-4 кромида крупно исецкани;
- 3 лажички сол;
- 1 лажица црвен пипер;
- 2 суви лути чили пиперки;
- вода;
- малку масло;
- суво нане.
Ставете го гравот во тенџере со вода и загрејте го додека водата не зоврие, исклучете ја ринглата и оставете го тенџерето покриено со капак да стои еден час. Потоа сменете ја водата, додајте ги кромидите и малку масло и варете го гравот на средно тивко, покриен или полупокриен еден час или два, додека не омекне.
Додадете црвен пипер, сол и нане и префрлете го во земјена тава, во тавата може да ставите свежи пиперки, везени суви или суви лути чили пиперчиња. Гравчето се пече околу 1 час во рерна загреана на 250°C. Откако ќе се испече оставете го малку да отстои, за тоа време ќе се згусне. Најслатко е послужено со меко лепче, младо кромитче и шопска салата.
* рецептите со во целост преземени од ситно сецкано
