zoshto-se-site-opsednati-fidjet-spineri_image
Споделете со пријателите!

Новата играчка го окупира времето на децата, тинејџерите но и на возрасните
Станува збор за најпопуларниот производ кој достигна светска слава и кој може да се најде насекаде, па и во вашата маалска продавничка. Оваа мини ротирачка направа којашто не прави ништо друго освен што се врти во раката, наводно е наменета за лица коишто имаат проблем со концентрација, за хиперактивни, односно за оние коишто постојано сакаат да имаат нешто во рацете. Зачудува фактот како може нешто што е толку безидејно да биде толку популарно, барано и користено. Од друга страна пак, ќе се сетите дека најпопуларна фамилија во светот се Кардашијанс, коишто се бренд сам за себе без да направат ништо.

Опишувајќи ја оваа играчка, весниците ги споредија фиџетите со џамлии, што е неправедност кон играњето џамлии.

Играњето џамлии е токму тоа, играње и социјализирање, вртење направа во рацете не е играње. Експертските мислења се поделени. Едни тврдат дека целта на оваа играчка е да ослободи од стрес и дека била првенствено создадена за да им помогне на лицата со АДХД и аутизам. Додека едните тврдат дека играчката е добра за децата бидејќи им ја зголемува концентрацијата и вниманието, другите се убедени дека од нив нема никаква корист, но дека на родителите сепак им е помило да ги гледаат децата со спинери во рацете, отколку постојано загледани во своите смартфони.

Љубителите на спинерите тврдат дека вртењето спинери е умешност која бара многу вежбање. Потврда за ова се многуте видеа коишто го преплавија интернетот. Во прилог, погледнете едно такво видео:

Прочитајте:  Денот по утрото се познава

Споделете со пријателите!