Ефектите од постојана дневна консумација на пиво може да доведат до сериозни здравствени проблеми
Пивски стомак не е само популарен мит. Голема консумација на пиво води кон зголемување на телесната тежина, но ова најмногу се однесува доколку тие калории што ги добивате од пивото не ги потрошите со физичка активност. Оние што сакаат да пијат пиво, се повикуваат на едно истражување (алудирајќи дека се свесни и информирани), што им оди во прилог на уживање во нивната навика, кое истакнува дека умерено консумирање на пиво може да го намали ризикот од срцеви заболувања.
Исто така, пивото е добро за густината на коските, го намалува ниво на холестерол, го намалува ризикот од дијабетес, превенција за камења во бубрези, штити од деменција. Сето ова е испитано, но се однесува доколку пивото се консумира во умерени количини, мерка којашто подлежи на промени во зависност од животниот стил на поединецот. Статистиката говори дека, околу четвртина од луѓето пијат алкохолен пијалак пред спиење, бројка што е зголемена за 16% во изминатите 4 години. Алкохол пред спиење, резултира со умор, изнемоштеност и тегоби наутро. Но ајде да видиме постапно што му се случува на телото после консумација на пиво.
Што му се случува на телото откако ќе консумирате пиво
После 20 минути – блага зашеметеност, вртоглавица и пријатни чувства.
После 1 час – дехидрација, често уринирање, поспаност.
После 12-24 часа – главоболка, зашеметеност, жед, бледило.
Ефектите од постојана дневна консумација на пиво може да доведат до сериозни здравствени проблеми:
- Иритација на слузокожата и нарушување на желудочната киселина. Овие состојби може да водат до: гастритис, опстипација, депресивно расположени, чувство на тешкотија во стомакот;
- нарушување на функцијата на црниот дроб може да доведе до развој на воспалителен процес – од хепатитис до цироза.
Пивото, како и впрочем сè што внесуваме е добро за здравјето во мали количини, а лошо кога ќе се претера. Препорачани количини на безбедна консумација на пиво се една чаша за жени, два чаши за мажи. Оваа количина варира од видот на пивото и процентот што го содржи. Постојаното консумирање алкохол, негативно влијае на целокупното здравје – не само на црниот дроб. Затоа, консумирајте умерено и одговорно.
