Направете вкусни земички со вкус на квики переци
Овие лепчиња имаат многу интересен вкус. Однадвор имаат убава коричка со вкус на квики переци, а внатре се меки и воздушести. Од овој рецепт излегуваат 12 земички за кои сме сигурни дека за брзо време ќе ги снема.
- 1 кесичка сув квасец;
- 1/4 лажичка сол;
- 2 лажичка шеќер;
- 1 шолја топла вода;
- 3 шолји сенаменско брашно;
- 1/8 лажичка црвен пипер;
- 2 лажици путер, омекнат на собна температура;
- 1/3 шолја сода бикарбона;
- 1 жолчка + 1 лажица вода
- 1-2 лажици сусам, ленено семе или крупна сол.
Во мала здела измешајте ги квасецот, шеќерот, солта и топлата вода и оставете ги да стојат 5 минути. Во вангла, измешајте ги брашното и црвениот пипер, додајте го путерот и мешајте со прсти да се поврзе со брашното. Полека истурете ја водата со квасец и промешајте со вилушка, па потоа почнете да го месите тестото со раце, на маса посипана со брашно или во ванглата, како ви е згодно, додека тестото не стане мазно и не престане да се лепи.
Потоа оставете го тестото да нарасне во ванглата покриено со крпа или кеса околу 30 минути.
Исечете го тестото на 12 еднакви парчиња и секое оформете го во земичка. Наредете ги земичките во големо тавче врз хартија за печење и оставете ги повторно да нараснат 20 минути. Загрејте ја рерната на 240°C, а во големо тенџере загрејте 10 шолји вода со сода бикарбоната. Кога ќе зоврие варете ги земичките по 45 секунди од секоја страна. Ставајте во тенџерето само по неколку за да не се преклопуваат. Вадете ги од тенџерето со решеткаста лажица и ставајте ги на решетка или на крпа да се исцедат, па вратете ги во тавчето за печење. Премачкајте ги со изматена жолчка со 1 лажица вода, посипете ги со сол, сусам или ленено семе и засечете ги малку на неколку места.
Печете ги околу 13-15 минути.
* рецептите со во целост преземени од ситно сецкано
