За неговата улога на „Марвел“ херој во филмскиот хит „Чувари на галаксијата“, Прат ослабе 30 килограми
Кога Крис Прат за првпат се појави на екраните, но и кога стана светски познат во серијата „Паркови и рекреација“, тој беше млад човек со зголемена телесна тежина кој никогаш во животот не вежбал. Последниве години, поточно од 2013 па наваму, тој се смета за еден од најфит актерите на Холивуд.
За неговата улога на „Марвел“ херој во филмскиот хит „Чувари на галаксијата“, Прат ослабе 30 килограми во период од 6 месеци. Секако, неговата трансформација немаше да биде успешна без помошта на личен тренер и нутриционист. Тој се придржувал до нутриционистички план, специјално создаден за неговите потреби. Внесувал околу 4 илјади калории и пиел многу вода. Неговиот тренинг бил интензивен и се состоел од секојдневно напорно вежбање 6 пати во неделата во период од 5 месеци. Тренерот Гавер кажува дека Прат бил клиент кој секој би посакал, бидејќи вежбал повеќе отколку што му било кажано. Бил многу дисциплиниран и со силна работна етика.
Вежбите вклучувале сесии на P90X, трчање, пливање, бокс, кикбокс и триатлон.
Првите два месеци вежбал исклучиво бодибилдинг вежби, наредните два месеци вежбал комбинација од бодибилдинг и тренинг за кондиција, а последниот месец се состоел од од кардио сетови, пливање, планинарски велосипедизам и вежби со висок интензитет коишто се состоеле од трчање на патека во комбинација со тежински тренинг.
Прат истакнува дека никогаш повторно нема да се врати на „старата“ тежина, објаснувајќи дека вежбањето му дава чувство на целосна контрола.
