Новите упатства за воведување на храна сведочат за безбедно воведување на храна што содржи кикирики кај бебиња од 4 до 6 месечна возраст
Инциденцата на појава на атопични заболувања како што се: астма, егзема, алергиски ринитис и алергија а хнрана е сериозно зголемена. Повеќе од јасно е дека појавата на овие заболувања е поврзано со генетските предиспозиции и влијанието на надворешната средина. Медицината имаше поставено постулат дека рана интервенција во исклучување на некои алергени и нивно доцно воведување во исхрана на бебињата, би водело до намалување на појавата или целосно спречување на прогресијата на атопичното заболување.
Алергијата на кикирики кај децата, денес зафаќа епидемиски размери, односно се појавува кај едно од 50 деца. Со новото истражување, ставовите за избегнување на кикирики до 3 годишна возраст, стануваат контрадикторни. А медицината базирана на докази, кога ќе се соочи со нови докази коишто се контрадикторни на дотогаш познатите, се менува.
Има недостиг на докази со кои може да се потврди дека со избегнување на потенцијални алергени се спречи појавата на алергии. Во Велика Британија, во 2008 година извршени се клинички студии, во кои е заклучено дека деца по потекло од Израел коишто се жители на Велика Британија, се повеќе склони кон алергија на кикирики, за разлика од израелските деца кои живеат во Израел. Причината и заклучокот се базирале на исхраната. На израелските бебиња вообичаено им била вклучувана храна која содржи кикирики околу 7 месечна возраст, додека пак на бебињата кои живееле во Велика Британија, ваква храна не им била дадена сè до навршување на една година.
Резултатите ова истражување ја доведоа во прашање конвенционалната практика за одложување на воведување на храна која содржи кикирики.
Ова истражување било почетна точка на една друга студија „Рано учење за алергија на кикирики“ (LEAP-Learning Early about Peanut Allergy). Оваа студија дефинитивно ги разниша столбовите на пристапот кон превенцијата на алергиите. Досега се пратеше принципот за воведување на цврста храна после 4-6 месечна возраст и избегнување на потенцијалните алергени како и нивно подоцно воведување во исхрана.
Во студијата биле вклучени 640 бебиња од 4 до 11 месечна возраст со егземи и (или) алергија на јајца, поделени на две групи. Едната група добивала храна која вклучува кикирики а другата не. Ова е првата рандомизирана студија а резултатот е шокирачки.
Кај децата хранети со храна која содржи кикирики инциденцата паднала на 70-80%.
Според ова, националниот институт за алергија и инфективни болести излезе со надополнување на упатствата за превенција на алергии земајќи ги во предвид доказите од LEAP.
Упатство 1 препорачува: Доколку вашето дете има тешко изразена егзема, алергија на јајца или и двете, треба да му биде вклучена храна која содржи кикирики на 4 до 6 месечна возраст, но само под контрола на алерголог. Оваа постапка треба да го намали ризикот од развој на алергија на кикирики.
Упатство 2 препорачува: Ако детето е со блага или умерена егзема, може да добие храна која содржи кикирики на 6 месечна возраст како превенција. (Притоа треба да ги имате во предвид вашите фамилијарни навики за храна, како и податокот дали постои алергија на кикирики во вашата фамилија и доколку детето нема егзема и алергија на јајца или некој друг вид храна).
Упатство 3 препорачува: Ако вашето дете нема симптоми на алергија на храна или егзема, слободно може да му дадете храна која содржи кикирики, (но притоа да ги имате во предвид вашите фамилијарни навики за храна, како и податокот дали постои алергија на кикирики во вашата фамилија и доколку детето нема егзема и алергија на јајца или некој друг вид храна).
Ова е медицински пресврт! Медицинскиот пресврт се случува кога резултатот од нова медицинска студија е супериорен во однос на појдовните точки во однос на сите дотогаш направени студии, и при тоа има подобра контрола и појдовни точки и со добиените резултати го побива она што значи досегашна клиничка пракса.
