Американската агенција за храна и лекови ги отфрли антибактериските сапуни, затоа што не постојат докази дека тие навистина функционираат
ФДА ги „изми“ рацете од антибактериските сапуни. Во најновото соопштение за јавноста, Агенцијата за храна и лекови – Food and Drug Administration – FDA, ги разгледува конечните правила за безбедноста и ефективноста на антибактериските сапуни.
Агенцијата за храна и лекови изјави дека не постојат докази дека антибактериските средства за капење кои што содржат одредени состојки како што е триклосанот и триклокарбанот се поефикасни од обичните сапуни.
Новите правила го забрануваат триклосанот и триклокарбанот од нашироко достапните антибактериски сапуни и други антибактериски препарати за миење тело. Тие исто така додаваат дека производителите на тие сапуни не ги демонстрирале своите производи како безбедни за долготрајна употреба. На компаниите нема повеќе да им биде дозволено да продаваат производи со овие состојки во САД.
Производителите имаат една година за да го променат составот и да ги отстранат досегашните производи од рафтовите во продавниците. Новата одлука не се однесува за антибактериските производи кои се користат во медицинските средини. ФДА започна да ги истражува антибактериските сапуни во 2013 година, а конкретно нивната безбедност и ефикасност откако добија податоци дека постојат можни здравствени ризици поврзани со долготрајната изложеност кон одредени состојки откриени во сапуните.
Американскиот Институт за чистота – American Cleaning Institute, што претставува трговска група за индустријата за производи за чистење, тврди дека антибактериските сапуни се безбедни и ефикасни.
ФДА сè уште не се убедени и препорачуваат употреба на обични сапуни и проточна вода
„Производителите продолжуваат со својата работа да обезбедат дури и повеќе научни истражувања за да ги пополнат празнините идентификувани од страна на ФДА. Потрошувачите можат да продолжат да употребуваат антибактериски сапуни со сигурност како со децении досега во милиони домови, канцеларии, училишта, центри за дневна нега и други комерцијални установи“ – додаваат во соопштението.
Сепак, од ФДА сè уште не се убедени и препорачуваат употреба на обични сапуни и проточна вода, наспоменувајќи дека тоа е еден од најважните чекори што потрошувачите можат да ги преземат за да спречат многу болести и за да спречи пренесување на бактерии.
