Отрфлено тврдењето за поврзаноста на парацетамолот и аутизмот
Британските научници го отфрлија тврдењето на шпанските стручнаци за поврзаноста на аутизмот и парацетамолот. Во студијата која неодамна беше објавена во магазинот „Епидемиологија“, се посочува дека децата додека се во утробата на мајката, а биле изложени на дејството од парацетамолот, имаат поголеми шанси да заболат од аутизам. Лекарот Џејмс Кусак, директор на добротворната организација „Аутистика“, истакнал дека тоа е можно, но засега не постојат доволно докази кои би можеле да го поткрепат ова тврдење – пишува „Индепендент“.
„Овој начин на работа не дава доволно докази за постоењето на врската помеѓу земањето на парацетамолот и исполнувањето на некои од симптомите на аутизам. Објавените резултати се од прелиминарна природна, што значи дека ова прашање на треба да ги загрижува трудниците“ – рекол Кусак.
Во истражувањето на шпанските научници учествувале 2 644 парови мајки и деца, а стручнаците на учесниците во периодот на бременоста им поставувале голем број прашања во врска со земањето на овој лек. Резултатите покажале дека, кај децата кои биле изложени на парацетамол, во петтата година од животот бил забележан ризик од појава на хиперактивност и импулсивност. Меѓутоа, точните дози кои влијаат на зголемувањето на ризикот не се наведени, бидејќи мајките не можеле да се сетат колку точно парацетамол пиеле во текот на бременоста.
Експертите тврдат дека врз основа на тоа не може со сигурност да се донесе заклучок дека парацетамолот навистина ги зголемува шансите за настанување на аутизмот. Кусак додал дека во текот на истражувањето биле отфрлени голем број на споредни фактори кои биле исто така наведени како влијание за настанувањето на аутизмот, бидејќи не биле доставени доволно докази.
