За супер почеток на денот на вашите деца

Квалитетниот оброк на почетокот на денот е еден од најважните предуслови за раст и развој на секое дете

Појадокот обезбедува енергија за нормално функционирање на организмот, како и значителен дел на нутриенти кои е потребно да се внесат во текот на денот. Без оглед на тоа дали сакаме „традиционален појадок“ кој содржи сирење, јајца и месо или појадок кој се заснова на житарки, важно е во овој оброк да се вклучат разни продукти, посебно житарки и овошје.  Житарките станаа популарни за појадок и тоа не без причина. Многу нутриционисти и научници по бројните студии им дадоа предност на житарките наспроти „традиционалниот појадок“.

Според истражувањето кое во 2013 година го објави Американското друштво за исхрана, децата кои консумираат житарки за појадок имаат поголем внес на сложени јаглени хидрати, влакна и микронутриенти, како и на млеко и млечни производи, што води кон поголем внес на калциум и на пробиотици.

Како добар избор за детскиот појадок се препорачува избор на разни житарки со цело зрно.

Moдерната технолошка обработка на житарките се води со најновите научни сознанија и медицински препораки. Со цел обезбедување на комплексен оброк, посебно за децата, житарките за појадок честопати се збогатуваат со витамини и минерали како што се железо, витамини од Б комплексот, фолна киселина, витамин Д, како и калциум, цинк, магнезиум и други. Бидејќи недостатокот на наведените минерали и витамини може да влијае на развојот на детето, појадокот што содржи збогатени житарки е добар избор за дополнување на исхраната на децата и адолесцентите.

Житарките за супер појадок имаат многу богат асортиман на производи и се збогатени со витамин Д, калциум и железо. Тие се добар начин за придонес кон исполнувањето на дневните потреби на детето за витамини и минерали. Порцијата од 30г Nestlé житарки за појадок, содржи важни хранливи материи, вклучувајќи и витамин Д и задоволува 18% од дневниот внес. Тие се прават со цело зрно од житарки како главна состојка, збогатени се со калциум и имаат прекрасен вкус.

* комерцијален текст