„Ден без автомобили“ во Париз [ВИДЕО]

Иницијативата „Ден без автомобили“ по втор пат одржана во Париз

Вчера (8 мај) во Париз беше „Ден без автомобили“, кога сите главни улици беа затворени за моторен сообраќај и наместо коли, изобилуваше со велосипеди. Овој ден, заради иницијативата, нивото на загадување и бучава во градот значително опадна. Имено, „Ден без автомобили“ за прв пат се одржа во септември минатата година, кога нивото на азотните оксиди се намали за дури 40 проценти. Ваквата иницијатива секако дека не е решение, но е некаков почеток и позитивна промена и покренување на свеста за загадувањето во градовите. Со оваа пракса на масовно возење велосипеди, градот Париз ќе продолжи секој месец.

Во Македонија, исто така, постои граѓанска иницијатива која што се одржува еднаш месечно, односно последната среда во месецот и се вика „Критична маса“. Оваа иницијатива секој месец е сè побројна и постојано се зголемува бројот на градови кои што се приклучуваат кон идејата за почисти градови без автомобили.

Во прилог, погледнете го видеото како помина „Денот без автомобили“ во срцето на Париз: