3Д принтање – иднината на хирургијата

Со 3Д принтаните модели на органи на полесен начин може да се илустрираат речиси сите медицински состојби

Современата 3Д технологија досега имаше и во иднина ќе има огромно влијание во многу сфери. Една сфера во која 3Д принтањето полека станува есенцијален и неопходен дел е медицината. Особено на полето на хирургијата, 3Д принтањето овозможува широк спектар на можности што несомнено ќе имаат позитивно влијание на иднината на медицината. Што значи 3Д принтањето за напредокот на медицината и кои се предностите на 3Д принтањето во хирургијата?

3Д модели за проучување на органите кај човекот

Преку принтаните 3Д медицински модели, студентите и лекарите ја имаат можноста полесно да ја истражат и искусат патологијата – изучувајќи го секој орган и дел од човековата анатомија. Со 3Д принтаните модели на органи на полесен начин може да се илустрираат речиси сите медицински состојби што ја потпомага и олеснува работата на студентите и лекарите. Медицинските модели изработени со 3Д технологијата може да им помогнат на сите медицински лица полесно да ги препознаат симптомите на одредена болест, како и да се подготват за операција.

3Д модели за подготовка за изведба на операција

Денеска во медицината специјално се изработуваат 3Д модели што се користат како водилки во операциите. Во многу случаи на посериозни и ризични операции, медицинските лица се подготвуваат на специјално изработени модели на органи преку кои можат точно да ја истражат специфичната ситуација и да ги вежбаат чекорите во операцијата што потоа ќе треба да ја изведат со цел да избегнат компликации.

3Д водач во операционата сала

Хирурзите вообичаено изработуваат специјален водич за изведба на покомплексни операции на колк, колено, рамо и сл. Овој тип на детални водичи се потоа испринтани на 3Д принтер со цел да се користат во операционата сала за време на операцијата. Преку 3Д водичите хирурзите може да го следат и да внимаваат на секој чекор од процедурата.

3Д титаниумски ортопедски импланти

Повеќе од 10,000 титаниумски ортопедски импланти се вградуваат секоја година. Овие импланти се поевтини за изработка за разлика од конвенционалните импланти. Специфичните специјално изработени титаниумски импланти се предмет на интерес од страна на многу ортопедски компании. Кога стануваат збор екстремитетите, колената, вратот и сл. ордопедските компании ги разгледуваат можностите за дизајнирање, произведување и патентирање на соодветни 3Д принтани титаниумски ордопедски импланти.

3Д пластични ортопедски импланти

Можноста специјално да се изработи квалитетен и безбеден ордопедски имплант од пластика со помош на 3Д принтер е клучна во медицината. Многу ордопедски компании веќе одреден период практикуваат 3Д принтање на специфични импланти од пластиката позната под името полиетер етер кетон којашто се смета за висококвалитетен и издржлив материјал со високи перформанси.