Научниците направија важен чекор во медицината којшто се верува дека ќе помогне во лекувањето на многу респираторни болести
Нови белодробни „органоиди“ се мали 3Д структури коишто ги имитираат карактеристиките на вистинските бели дробови. Тие се создадени од тим научници коишто ги создале од човечки плурипотентни матични клетки. Терминот плурипотентни се однесува на способноста на клетката да се претвори во повеќе типови на клетки, односно тие се способни за создавање на сите типови на клетки од телото.
Научниците од медицинскиот центар при универзитетот „Колумбија“, користеле органоиди со цел да создадат модели на човечки заболувања на белите дробови во лабораториски сад, што може понатаму да биде чекор кон напредок на разбирањето на разновидноста од респираторни болести.
Органоидите се 3Д структури коишто содржат повеќе типови на клетки коишто функционираат како вистински бели дробови. Со репродукција на орган во лабораториски сад, научниците се надеваат да развијат подобри модели на човечките болести и да пронајдат нови начини на тестирање на лекови и регенерирање на оштетеното ткиво.
„Истражувачите го прифатија предизвикот да создадат органоиди за да им помогнат да ги разберат и да третираат разни видови на заболувања“, вели проф. д-р Ханс-Вилем Снок, професор по микробиологија и имунологија на медицинскиот центар при универзитетот „Колумбија“ и носител на истражувањето.
Белодробните органоиди создадени во лабораторијата на д-р Снок, се првите кои вклучуваат разгранување на дишните патишта и алвеоларните структури, слични на човечките белите дробови.
Со цел да ја прикажат нивната функционалност, истражувачите покажаа дека органоидите реагираат на ист начин како и вистинските бели дробови кога се инфицирани со респираторен синцицијален вирус (RSV). Дополнителни експерименти откриваат дека органоидите исто така реагираат како вистински бели дробови кога ја носат генетската мутација поврзана со пулмонална фиброза (состојба која предизвикува лузни во ткивото помеѓу белодробните обвивки).
Идиопатската пулмонална фиброза може да се третира со лекови, но се лекува само со трансплантација. Причината за оваа болест не е целосно сфатена и има неколку теории на оваа тема. Воедно, респираторниот синцицијален вирус (RSV) е најважниот и најчестиот причинител на инфекција на долните дишни патишта кај доенчињата и малите деца. Тој е многу инфективен, така што поголем број од децата се заразуваат до втората година на животот. Најчест период која оваа инфекција е полн ек е зима и рана пролет. Статистички, околу 50 проценти од сите респираторни инфекции во детска возраст се поттикнати од RSV. Нема вакцина ни ефективна антивирусна терапија.
Овие органоиди, создадени на овој начин, со човечки плурипотентни матични клетки, можеби се најдобриот начин да се погледне поблиску во патогенезата на овие болести.
