Лукот и цинкот во комбинација може да ги консумирате во форма на суплементи, но нивното додавање во секојдневната исхрана би имало подобро влијание на вашето здравје
Лукот и цинкот делат многу слични терапевтски својства коишто се добри за човековото здравје. Имено, лукот самиот по себе содржи големо количество цинк, како и други минерали, меѓу кои железо, калциум, манган и селен. Лукот и цинкот во комбинација може да ги консумирате во форма на суплементи, но нивното додавање во вашата секојдневна исхрана несомнено би имало поголемо и подобро влијание на вашето здравје. Здравствените придобивки од редовното внесување на лукот и цинкот се огромни. Цинкот е содржан во различни типови месо, меѓу кои говедско, јагнешко, свинско, мисиркино и лосос, како и во млечните производи и зрнестата храна.
Зајакнување на имунитетот
Лукот и цинкот може да придонесат за зајакнувањето на имунолошкиот систем и да пружат заштита од настинки и грип предизвикан од различни вирусни и габични инфекции. Во својата позната книга, Шари Либерман и Ненси Паулинг зборуваат како цинкот може да придонесе за здраво производство на антитела, како и за здраво функционирање на лимфните жлезди, тимусот и слезината, органи што го заштитуваат организмот од голем број болести. Тие објаснуваат дека слично на цинкот, лукот може да му помогне на организмот да им се спротивстави на инфекциите преку активирање на макрофагите, клетки коишто се хранат со бактериите во телото. Лукот, исто така, е „виновен“ за активирање на голем број клучни ензими што придонесуваат за ефикасно антибактериско, антивирусно и антифугално дејство во организмот.
Заштита и одбрана од токсини
Консумацијата на цинкот и лукот на многу начини може да го заштити организмот од негативните ефекти од токсините содржани во природното опкржување. Либерман објаснува дека цинкот може да го заштити црниот дроб од труење со хемикалии и притоа може да придонесе за производство на антиоксиданси што човековиот организам ги користи во борба против штетните слободни радикали.
Цинкот, исто така, може да помогне во заштита на организмот при прекумерна изложеност на олово и кадмиум, додека лукот може да помогне во заштита од оксидација и слободните радикали. Меѓудругото, лукот го одржува доброто здравје на црниот дроб со уништување на канцерогените во животната средина, како и оние што се содржани во чадот од цигарите, загадениот воздух и мувлата.
Заштита од болести
Лукот и цинкот исто така може да помогнат во спречувањето на широк спектар хронични болести, вклучувајќи ги атеросклерозата, дијабетесот и ракот. Имено, цинкот со неговата клучна улога во производството на ензими неопходни за метаболизмот на гликозата, може да го спречи заболувањето од дијабетес, а може да помогне и во подобрувањето на нивото на инсулин. Лукот, пак, може да го заштити организмот од голем број хронични болести, да го намали нивото на шеќерот и холестеролот во крвта.
