Започнаа Параолимписките игри во Рио [ВИДЕО]

Оливера Наковска-Бикова и Ванчо Каранфилов се нашите претставници на Параолимписките игри во Рио 

Светската рекордерка Оливера Наковска-Бикова и Ванчо Каранфилов ќе ја претставуваат Македонија на Параолимписки игри во Рио кои што започнуваат денеска, 7-ми септември, и ќе траат до 18-ти септември. 

Директорот на Агенцијата за млади и спорт, истакна дека стрелаштвото е спорт кој редовно носи медал на Македонија. „Во изминатите две децении, нашето спортско стрелаштво е дефинитивно најтрофејниот спорт, особено во делот на Параолимписките игри, почнувајќи од златото Бранимир Јовановски на ПОИ во Барселона 1992, среброто на Ванчо Каранфилов во Атина 2004 и златниот медал на Оливера во Лондон 2012“, пишува во соопштението на Агенцијата за млади и спорт. 

Настапите на нашите стрелци се закажани за 09.09- воздушен пиштол 10м, а два дена подоцна ќе се одржи дисциплината спортски пиштол-25м. Последниот настап е закажан за 14.09, кога ќе се одржи дисциплината малокалибарски пиштол-50 метри.

„Да, јас можам“ – е пораката на над 140 лица со инвалидитет во видео записот за овогодинешните Параолимписки игри. Целта на видеото е да истакне дека ништо не е невозможно и дека сите можат да ги реализираат своите соништа. 

Во прилог, погледнете го видеото со моќна порака: