veshtachkata-inteligencija-virtuelnata-realnost-mozhe-da-go-promenat-nachinot-na-lekuvanje-na-psihichkite-bolesti_image
Споделете со пријателите!

Вештачката интелигенција како алатка за дијагностицирање на различни нарушувања се здоби со голема поддршка во светот на апликациите што ја имаат улогата на „виртуелни психијатри“
Многу истражувачи се фокусираат на проучување на нови полиња на компјутерската психијатрија која користи различни современи технологии како вештачка интелигенција, виртуелна реалност и длабоко учење за дијагноза и третман на различни психички болести. Сепак, потребни се многу повеќе истражувања за да се разбере долготрајното влијание што таквите методи би можеле да го имаат врз психичкото здравје на човекот.

Напредокот во длабокото учење, виртуелната реалност и вештачката интелигенција може да означат крај на проблемите што се длабоко всадени во практиката на клиничката психологија – како што е субјективноста и тешкотијата во спроведувањето на големи студии. Истиот можеби би нè однел во нова ера на дијагностицирање и лекување на психичките нарушувања.

„Компјутерската психијатрија би можела да им помогне на милиони луѓе, но треба да се внимава како би се применила“

Компјутерската психијатрија би можела да им помогне на милиони луѓе, но како и со сè останато што го вклучува мозокот мора да се внимава како би се применила оваа технологија. Оваа нова гранка на проучување на психичките болести е позната како компјутерска психијатрија и се фокусира на идејата дека истражувачите може подобро да ги разберат и да ги третираат психичките болести користејќи ги горенаведените технологии.

Сара Финебург од Универзитетот Јејл во Њу Хевн неодамна објави студија за која користела компјутерска психијатрија за да ја истражи психичката состојба состојба наречена гранично пореметување на личноста, или ГПЛ, која вклучува симптоми како постојана променливост во расположението и однесувањето, како и импулсивни реакции и нестабилни односи.

Во својата студија, Финебург ги набљудувала реакциите на луѓето со гранично нарушување на личноста во ситуации во виртуелни средини. Таа користела игра наречена „Cyberball“ во која аватарите си подавале топка еден на друг, со тоа што пациентот контролирал еден од аватарите.

Играта и дозволила на Финебург да ги следи емоционалните реакции на пациентите додека тие си ја подавале топката. Таа открила дека болните од гранично пореметување на личноста доживуваат поголеми чувства на отфрлање за разлика од оние кои не страдале од оваа болест. Овие чувства се манифестирале кога болните од ГПЛ не ја добиле топката. Згора на тоа, тие исто така имале негативни чувства дури и кога ја добиле топката.

Прочитајте:  Синтетичките канабиноиди го редуцираат остеоартритисот

Компјутерската психијатрија може да се искористи за проучување на емоциите на пациентите со гранично нарушување на личноста. Исто така, таа може да им помогне на истражувачите да го разберат јазикот на којшто болните од ГЛП говорат бидејќи некои истражувања спроведени досега докажале дека тој е поразличен од јазикот што го користат оние што не боледуваат од ова пореметување на личноста. Тие како предмет на истражување ги имале јазичните карактеристики кои ги обележуваат психолошките состојби и особини. Оттука преку одредени компјутерски модели базирани на модели за користење на зборови тие, исто така, можеле да предвидат кои писатели имаат психоза или ќе напредуваат во психоза.

Двете насоки на компјутерската психијатрија на Финебург што практикуваат користење на виртуелни средини како клинички простори, како и користење на вештачка интелигенција, се користат од страна на други истражувачи за проучување на други нарушувања. Но без точно да знаат каков ефект овие третмани можат да имаат на човечкиот ум, истражувачите кон компјутерската психијатрија се поставуваат со доза скептицизам.

Сепак, употребата на вештачката интелигенција како алатка за дијагностицирање на различни нарушувања, како и за препораки за третмани за третирање на истите се здоби со голема поддршка во светот на апликациите што ја имаат улогата на „виртуелни психијатри“.

Најдобриот пример за ова е „Woebot“, апликација што користи еден тип на виртуелна говорница која работи на принципи на когнитивната бихевиористичка терапија за да помогне во борбата против депресијата. Резултатите од еден мал тест на апликацијата биле позитивни и ветувачки, бидејќи поголемиот дел од корисниците пријавиле значително намалување на симптомите на депресија.


Споделете со пријателите!