svinski-vrat-harmonika-kompiri
Споделете со пријателите!

Овој Божиќ одлучете се за динстано свинско месо на вашата празнична трпеза
Постојат многу различни рецепти за подготовка на свинско месо, но кога е зготвено на тивко и долго, целиот негов вкус доаѓа до израз. Токму затоа, за претстојните божиќни празници, се одлучивме за свински врат приготвен на тивко, односно со динстање. Во рецептот има и мешавина од зачини, како и кафе и шеќер, од кои месото добива зачинет крцкав надворешен слој. Како додаток на ова јадење, се одлучивме за печени компири, сечени попречно и заради тоа наречени „хармоника“ компири.

  • 800 гр. свински врат;
  • 1 лажица сенф;
  • 1 лажица мелено кафе;
  • 1 лажица жолт шеќер;
  • 1 лажиче сол;
  • 1 лажиче црвен пипер;
  • 2-3 суви лути чили пиперчиња (издробени);
  • 1 лажиче мајчина душица;
  • бибер;
  • 1 кромид, на тенки кришки;
  • 2 пиперки (1 блага, 1 лута), исечени на кругчиња;
  • 2 – 3 чешниња лукче, ситно исецкани.

Премачкајте го месото со сенф. Во одделен сад помешајте ги кафето, шеќерот, солта, црвениот пипер, сувите лути пиперчиња, мајчината душица и биберот и обложете го месото со нив. Зачинето на овој начин, месото се остава да се маринира во фрижидер преку ноќ. (доколку немате толку време, може и веднаш да го приготвите).

svinski-vrat-harmonika-kompiri_1Ставете го месото во сад со капак со малку масло и околу него распоредете ги кромидот, лукчињата и пиперките. На крај, додадете 1 шолја вода. Во рерна загреана на 250°C, оставете го месото да се пече околу пола час, а потоа намалете ја температурата на 120°C и печете го уште неколку часа. Оптимално време би било 5 часа со повремено зголемување на температурата на 150°C или намалување на 100°C.  Додека печете два – три пати прелијте го месото со течноста од тенџерето и додајте уште вода ако испари целосно.

Прочитајте:  Кокошка печена во глинен сад

Кога ќе биде готово, извадете го од рерна, оставете го неколку минути да постои, па потоа ситно разделете го со помош на две виљушки.

Идеален додаток за ова јадење се хармоника компирите.

Подготовка на компирите

Измијте ги компирите, па секој исечете го на тенки кришки (околу 3 мм.) скоро до долу. Ова лесно се прави ако го ставите компирот во лажица и така сечете. малку разделете ги слоевите и прелијте со малку масло, посипете со сол и бибер и ставете ги да се печат во рерна загреана на 200°C околу 1 час. Доколку се помали, можеби ќе бидат готови и за околу 40 до 50 минути.

Ви посакуваме пријатни моменти на божиќната трпеза!

*рецептите со во целост преземени од ситно сецкано


Споделете со пријателите!