dzvezdite-vi-otkrivaat
Споделете со пријателите!

Хороскоп за 1ва недела: Период на новогодишни ветувања и исто толку разочарувања од нивното неостварување. Некои од хороскопските знаци ќе ги обвинуваат планетите за својата среќа, додека Стрелецот ќе чека помош од Уран да му го среди животот. Близнакот ќе се надева на божиќно чудо, а Бикот ќе направи список со новогодишни ветувања само за да не ги исполни.

.

Овен

Навиката на работење повеќе работи наеднаш ќе ве спречи да го довршите вашиот список со новогодишни ветувања. Штета што ќе го загубите, бидејќи на него стоеше ветувањето дека никогаш повеќе нема да работите мултитаскинг.

 

Бик

Вашата неисцрпна енергија ќе продолжи да ви ги храни лошите навики, па така, долгиот список на новогодишни ветувања ќе го направите само за да ги прекршувате тие ветувања едно по друго.

 

Близнаци

Вие знаете дека првиот впечаток е најважен. Затоа и не се трудите премногу и не планирате ништо да промените. Ве предупредуваме дека ѕвездите годинава ви предвидуваат емоционално будење, така што, пазете се од едни штетници што ги избегнувате, наречени емоции. Ќе јадете сè и во големи количини и ќе се надевате на божиќно чудо да не ви се зголеми конфекцискиот број.

 

Рак

Обидете се и ќе видите дека независноста е добра за вашето здравје. Оваа година ќе си ветите дека ќе бидете пофлексибилни и ќе ги оставите луѓето околу вас да дишат. Затоа ќе се обидете со вежбање јога и ќе бидете среќни што успеавте да посетите еден час. Нема да се грижите околу вашата редовност бидејќи ќе бидете среќни, а знаете дека среќата е здравје. 

 

Лав

Изморени од долгите ноќи исполнети со забава, никако не признавате дека ве мачи тежок мамурлак, туку за лошото расположение велите дека ви е карактерна одлика. Наспроти вашата вечна желба да се истакнете, периодов ќе посакате да носите предупредување на вас кое ќе вели – не се доближувај!

 

Девица

Познати како најголеми логичари меѓу хороскопските знаци, вие знаете дека колку повеќе килограми имате, толку повеќе ве има, односно толку повеќе има од вас за сакање. Среќни, ќе продолжите да ширите љубов за сите.

 

Вага

Во овој период на празнични трпези, вие, како и секогаш, успешно ќе балансирате. Балансот ќе го постигнувате со по едно парче баклава во секоја рака. Единствена работа која што ќе ве оддалечи од пронаоѓање љубов ќе биде вашиот обем на струк.

 

Шкорпија

Предупредувањето кое ќе мора да го носи Лавот за да не му се доближуваат, за вас нема да претставува проблем. Вие природно ја ширите таа енергија а во прилог ви одат и фацијалните експресии надополнети со вашето посесивно однесување. Бидејќи се храните со енергијата на оние што ве сакаат, вие се одликувате со најдобро здравје меѓу хороскопските знаци.

 

Стрелец

Вие како големи познавачи на астрологијата, веќе знаете дека оваа година планетите ќе ви бидат наклонети. Не си свиркајте со ставот „што е мое ќе си дојде“, и не се потпирајте на Уран дека ќе ви помогне со меланхолијата и несигурноста. Уран е планета која што е многу, многу далеку од вас, не ве познава и не ја интересирате.

 

Јарец

Ќе зрачите со љубов и креативност и ќе почувствувате толку позитивни мисли со кои што нема да знаете како да се однесувате бидејќи не се ваша природна состојба. Луѓе нема да ве препознаваат и ќе ви викаат дека толку сте убави што не личите на себе.

 

Водолија

Ѕвездите ви предвидуваат луда љубов а вам едноставно не ви е гајле. Ќе имате интерес само доколку се работи за необична личност, додека чувство на мачнина ќе ви предизвикуваат традиционални личности кои што веруваат во брак и взаемна посветеност. Вистинска љубов периодов негувате само за слатки и колачи.

 

Риби

Од постојаното скокање помеѓу реалноста и соништата, неделава можно е да изгубите некој килограм. Периодов вашето вообичаено мечтаење ќе достигне кулминација, бидејќи почнува цела нова година што значи можност за многу ваши планови кои што никогаш нема да ги реализирате.

Прочитајте:  Како студент по медицина направи кризна мапа на поплавените подрачја?

Споделете со пријателите!