studija-sugerira-deka-kuchinjata-mozhe-da-pochuvstvuvaat-epileptichni-napadi_image
Споделете со пријателите!

Импресивен бил наодот дека секое од петте кучиња правилно го идентификувало примерокот којшто бил земен за време на епилептичните напади во просек за помалку од осум секунди.0
Нова студија за првпат покажа дека кучињата би можеле да почувствуваат кога некој би требало да доживее епилептичен напад. Во минатото, истражувачите имале различни нивоа на успех кога станува збор обучување на кучиња за откривање на дијабетес, маларија, одредени видови на рак и некои заболувања на бубрезите. Иако за научниците ова претставува огромен напредок за откривањето на некои заболувања, тие досега не испитувале дали кучињата можат да ги претчувствуваат епилептичните напади, односно да го препознаат специфичниот мирис на нападите поврзани со епилепсија. Во иднина, ова би можело да помогне да се обмислат начини за запирање на епилептичните напади.

Тимот истражувачи којшто ја спроведе студијата смета дека е многу веројатно ова се должи на факторите на ризик. На пример, епилепсијата може да настане поради повреди на главата, генетски фактори, тумори или мозочен удар и честопати се манифестира заедно со други состојби, како што се анксиозни нарушувања или депресија.

„Оваа голема варијабилност може да објасни зошто досега не е направена студија за специфичниот мирис поврзан со потенцијалните епилептични напади. Меѓутоа, ако кучето може да ги открие раните знаци на напад пред истиот да започне, ова може да биде од вистинска корист за големиот број луѓе во светот коишто боледуваат од епилепсија“, сметаат истражувачите.

Иако постојат анегдотски докази дека некои кучиња може да претчувствуваат напади кај нивните сопственици, не е јасно кои знаци и сигнали тие ги користат како индикација. На пример, тие би можеле да го засноваат своето претчувство на суптилни промени во начинот на кој нивниот сопственик се однесува.

За таа цел, истражувачите од „University of Rennes“ во Франција спроведоа мала студија во која испитуваа дали кучињата би можеле да користат олфакторни индиции за откривање на напади. Тие неодамна ги објавија своите наоди во списанието „Scientific Reports“.

studija-sugerira-deka-kuchinjata-mozhe-da-pochuvstvuvaat-epileptichni-napadi_image1Истражувачите собрале примероци од здив и пот од пет лица со епилепсија. Сите учесници имале различни форми на состојбата, кои вклучувале делумни напади на фронталниот лобус и делумни напади на темпоралниот лобус. Од овие пет лица, три имале епилепсија што се развила поради церебрална малформација и две лица коишто имале епилепсија која имала генетско потекло.

Прочитајте:  Најголемите маани на хороскопските знаци

Научниците земале три типа примероци од потта од секој учесник, првиот во моментот кога имале епилептичен напад, вториот додека се одмарале и третиот за време на вежбање. Тие го вклучиле примерокот за време на вежбање за да се осигураат дека секој одговор од кучињата не бил исклучиво заради зголемување на потењето кај испитаниците.

Научниците ангажирале пет кучиња кои веќе биле обучувани како да идентификуваат голем број на болести и нарушувања, како да пристапат и како да стојат над целниот мирис. За време на секое испитување, тие му презентирале на кучето седум примероци од истиот учесник. Користеле четири примероци од времето кога лицето одмарало, два од период на вежбање и еден кој бил земен за време на нападот. Импресивен бил наодот дека секое од петте кучиња правилно го идентификувало примерокот којшто бил земен за време на епилептичните напади во просек за помалку од осум секунди.

Тимот истражувачи заклучил дека ова е прв доказ дека навистина постои специфичен мирис на епилептичните напади без разлика на типот на болеста и лицето коешто ја има.  

Студијата вклучила само неколку учесници и кучиња што значи дека истражувачите ќе треба да ги реплицираат резултатите во пообемна студија. Сепак тие потенцираат дека, иако големината на примерокот е мала, резултатите се многу јасни и претставуваат прв чекор кон идентификување на специфичен мирис на епилептичните напади.


Споделете со пријателите!