Споделете со пријателите!
Се проценува дека заразени се повеќе од 50% од возрасната популација во развиените земји, односно 80% до 90% од населението во земјите во развој. Заболени лица може да се развјат гастритис, гастричен или дуоденален улкус, аденокарцином на желудник или не-Хочкинов гастричен лимфом.
На вашите прашањата еднаш неделно ќе одговара д-р Александар Манолев
Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.
Споделете со пријателите!
Почитуван докторе, во последно време се почесто и без повод имам киселини, надуеност, непријатност и болка во стомакот. Од почетокот го поврзував со секојдневната нервоза поради работните обврски и политичката ситуација, потоа пиев сода бикарбона и ланзул ама само моментално ми помагаат. Дали е можно да имам хеликобактер и што ми препорачувате?
Почитуван Перо,
Со оглед на симптомите можно е да се работи за присуство на бактеријата Х. Пилори. Сепак, не ја знам вашата возраст што малку ми отежнува во одговорот. Доколку сте индивидуа под 50 години, направете го тестот за бактеријата. Ако е позитивен треба да се третира. Доколку симптомите со киселините продолжуваат ќе мора да направите гастроскопија за да се види која е причината за киселините.
Би ви советувал консултација со интернист пред почеток на терапијата.
Со почит,
д-р. Александар Манолев, специјалист интернист
Почитувани, имам 29 години и работам како комерцијалист, работата е доста стресна, нема работно време, доста кафиња и нередовни оброци.Во последно време чувствувам болка во пределот на желудникот, особено после јадење, а немам киселини.Треба ли да правам некое снимање и каква терапија ми препорачувате?Ви благодарам
Почитувана Џени,
Симптомите кои ги имате како што наведовте може да се должат на нередовната исхрана. Се сложувам да направите тест за бактеријата Х. Пилори. Доколку тестот е позитивен, бактеријата ќе се лекува. Во спротивно би ви советувал промена на режимот на исхрана. Би советувал да се вклучи утрински оброк наутро пред внес на кафе, ужинка во помала количина, редовен ручек и вечера не подоцна од 19.00 часот. Избегнувајте премноу ладни и жешки напитоци, лута и премногу зачинета храна. Би советувал консултација со интернист пред било кое дијагностичко и терапевтско решение.
Согласно прегледот не се исклучува и гастроскопија доколку при прегледот се оцени дека имаме потреба од дополнителна дијагностика.
Со почит,
д-р. Александар Манолев, специјалист интернист
Почитуван докторе, имам доста стресна работа како одговорна на магацин, со цела организација за прием и дистрибуција на роба, и ради стресот во последно време имам тегоби во желудниот. Се хранам здраво и не конзумирам кафе и алкохолни напитоци, а сепак имам тегоби, болка во зелудник и сл.Колешката ме праша дали имам правено тест за хеликобактер, а немам па сакам да ве прашам дали овие симптоми се од хелиобактер или ми треба одмор од работа. благодарам докторе
Почитувана Тања,
Дел од симптомите што ги имате може да се должат за сметка на вашето работно темпо и да се дел од присутен хроничен гастритис т.е. гастродуоденитис. Бидејќи имате болка во желудникот битно е дали болките ги имате цело време во текот на денот, се јавуваат на гладно (а се смируваат со земање на оброк) или имате болки после оброк (2-3 часа). Пожелно е да испитате Х. Пилори. Доколку е позитивен тестот треба да се лекува бактеријата. Со оглед на тоа дека имате болки не се исклучува да се направи и гастроскопија како би се исклучило постоење на улкус (чир) во желудникот или дванесетпалачното црево.
Би советувал консултација со интернист пред било кое дијагностичко и терапевтско решение.
Со почит,
д-р. Александар Манолев,специјалист интернист