Балансираната исхрана со правилено внесување на алкална и кисела храна помага при зачувување на нашето здравје
Концептот на неизбалансирано внесување на кисели и алкални производи се појавува прв пат во 1933 година кога Вилијам Хауард Хеј (William Howard Hay) лекар од Њујорк ја објавува книгата „A New Health Era“ во која тврди дека сите болести се предизвикани од натрупаност на киселост во телото. Неговиот концепт на исхрана која преферира внесување на алкални производи има темел на една од најпопуларните диети денес – Хејевоја диета, која подразбира правилно комбинирање на храната и не дозволува комбинирање на јаглехидрати и протеини во ист оброк.
Оваа исхрана за кратко време покажува одлични резултати, но долгорочно колку е практично да се јаде на таков начин и каков ефект има по нашето здравје?
Стучњаците кажуваат дека одговорот е во избалансираниот внес на алкална и кисела храна, но треба да се имаат во предвид гликемискиот индекс (GI – Glycaemic Index) и гликемиски внес (GL – Glycemic Load). Ако нашата исхрана вклучува големо количество на кисела храна доаѓа до претерано натрупување на кисели остатоци што предизвикува т.н. ацидоза. Ацидозата долгорочно ја успорува ефикасната работа на нашето тело, предизвикувајќи недостаток на енегија, лош здравствен профил, проблем со прекумерна тежина, а доаѓа и до губење на минералите: калциум, магнезиум и калиум кои имаат за задача да ја неутрализираат киселоста односно да воспостават здрава pH рамнотежа која изнесува околу 7. Нашите внатрешни органи како бубрезите, белите дробови и надбубрежните жлезди играат главна улога во одржувањето на pH вредноста, а тие да се здрави се преферира внесување на алкална храна. Внесувајќи алкални производи ние го ослободуваме телото од трошење енергија за елиминирање на вишокот на киселите остатоци и му помагаме да ја балансира телесната тежина и што подолго да не одржува здрави и енергични.
Има различни ставови околу соодносот на алкалната и киселата исхрана, но генерална препорака е соодносот да биде 60% алкална храна и 40% кисела храна.
Кисели реакции во телото најмногу ги предизвикуваат белковините, газираните пијалоци, повеќе од 3 кафиња дневно, рафинирани производи како бел леб, колачи и лиснато тесто, црни чаеви, масната храна како и пушењето. Кисели реакции предизвикуваат и претерано внесување на млечни производи. Алкални производи пред се сè овошјето и зеленчукот, а нивното зголемено конзумирање помага при лечењето на остеопороза, дијабетис, камен во бубрегот и жолчката, проблеми со варењето на храната, вишок на холестерол, депресија и несоница.
