Состојба со грип во Република Македонија, сезона 2015/2016 (до 05.02.017)
Во текот на петтата недела од 2017 година, во Република Македонија пријавени се 563 (I=27,2/100.000) новозаболени лица од грип/заболувања слични на грип, што претставува намалување од 53,0% во споредба со минатата недела кога беа пријавени 1.199 случаи.
Вкупниот број на пријавени случаи оваа недела одговара на многу ниско ниво на интензитет согласно МЕМ моделот за одредување на интензитет на активноста на грип.
Оваа недела, најголем број заболени (n=90) е регистриран на територијата на ЦЈЗ Охрид, следат ЦЈЗ Прилеп (n=62), ЦЈЗ Струмица (n=45) и ЦЈЗ Куманово (n=41).
Највисока инциденца од 160,4/100.000 е пријавена од подрачјето на ЦЈЗ Охрид, и ПЕ Пехчево 140,2/100.000, каде што единствено се регистрира средна активност на инфлуенца вирусот. Според инциденцата на 100.000 жители, ниска активност се регистрира на територија на 10 ЦЈЗ/ПЕ, а во 15 ЦЈЗ/ПЕ активноста е на многу ниско (вон-сезонско) ниво. Во ПЕ Делчево, ПЕ Крива Паланка, ПЕ Неготино и ПЕ Демир Хисар не е регистриран случај…
Преземено од: Институт за јавно здравје на Република Македонија
