Споделете со пријателите!
Синдромот наречен Лима е спротивен на Стокхолмски синдром
Синдромот Лима е спротивност на Стокхолмскиот синдром, кога напаѓачот, односно агресорот, развива емпатија кон жртвата или жртвите. Именуван е според еден напад со заложништво во Јапонската амбасада во Лима, Перу во 1996 година, кога членови на револуционерното движење, радикалната група наречена Tupac Amaru, за време на забава во официјалната резиденција на јапонскиот амбасадор држеле во заложништво над сто луѓе. Заложници биле дипломати, владини претставници, воени лица и бизнисмени. За неколку часа, терористите ги ослободиле повеќето заложници, бидејќи се сожалиле на жртвите.
За ова однесување се можни повеќе причини. Можеби еден или дел од терористите, киднаперите првично не се согласувале со планот или едноставно не сакале да повредат невини жртви или пак се предомислиле. Од друга страна пак, тешко е толкава група на заложници да биде под контрола, па затоа биле ослободени, што е најверојатно сценарио за заложништвото во Лима, кое останува популарна легенда.
Споделете со пријателите!
