serotonin-antidepresivi-mikrobiom
Споделете со пријателите!

Дури 90% од серотонинот се произведува токму во цревната микрофлора!
Новата студија кај глувци предводена од биолозите на Универзитетот во Лос Анџелес (UCLA) силно сугерира дека серотонинот и лековите кои го таргетираат серотонинот, односно антидепресивите, можат да имаат голем ефект и врз микробиомот во цревата – живиот свет од над 100 трилиони цревни бактерии и други микроби кои живеат во цревата!

Многумина знаат дека серотонинот е невротрансмитер или хемиски гласник кој испраќа пораки меѓу клетките, тој учествува во многу функции во човечкото тело и е познат  како хормон на среќата. Се проценува дека 90% од серотонинот се произведува токму во цревната микрофлора!

„Нашата нова студија ни покажува дека одредени бактерии на цревата можат да одговорат на нивото на серотонин и лековите кои влијаат на продукцијата на серотонин, како што се антидепресивите.“

Тимот биолози идентификувале специфична бактерија во цревата што може да детектира и транспортира серотонин во цревните бактериски клетки.

“Нашата претходна работа ни покажа дека одредени цревни бактерии помагаат во производството на серотонин.“ – во оваа студија бевме заинтересирани да откриеме на кој начин овие цревни бактерии можат да го сторат тоа.

Истражувачка група открила дека кај глувци кои имаат специфична мешавина на бактерии, главно Turicibacter sanguinis и Clostridia, биле произведени молекули кои испуштаат сигнал до цревните клетки за да го зголемат производството на серотонин. Кога тимот одгледувал глувци без бактерии, недостасувал повеќе од 50% од нивниот серотонин. Истражувачите потоа додале специфична мешавина од бактерии, по што нивото на нивниот серотонин се вратил во нормала.

Прочитајте:  Иницијатива наречена „вежбањето е лек“

“Нашата нова студија ни покажува дека одредени бактерии на цревата можат да одговорат на нивото на серотонин и лековите кои влијаат на продукцијата на серотонин, како што се антидепресивите. Ова е уникатна форма на комуникација помеѓу бактериите и нашите сопствени клетки преку молекули кои традиционално се препознаваат како невротрансмитери”.

Истражувањето на тимот за „ Turicibacter “ е во согласност со зголемениот број на студии кои покажуваат дека антидепресивите можат да ја променат микробиота на цревата. „За иднината, сакаме да научиме дали интеракциите помеѓу микробите и антидепресивите имаат силни последици по здравјето и болестите“.


Споделете со пријателите!