Виктор Груев од Охрид е 40 годишниот научник кој е дел од тимот научници кои во „ Вашингтон Универзитетот за медицина во Сент Луис“ ги конструира „High-tech“ очилата кои ќе им помогнат на хирурзите попрецизно да ги гледаат клетките на ракот кои светат сино кога се гледаат преку очила а со тоа и полесно ќе ги отстрануваат.
Новата технологија, која сеуште не добила свое име за првпат е искористена од страна на хируршки тим при одстранување на рак на дојка на 10 Февруари 2015 година.
Главна мисија на истражувачкиот тим во кој е и проф. др Груев од „Вашингтон универзитетот за медицина во Сент Луис“ била да се креира технологија која на хирурзите ќе им помогне да ги разликуваат канцерогените од здравите клетки во реално време со што ќе се намали потребата од дополнителни хируршки зафати, а со тоа и стресот кај пациентите. Во досегашната пракса хирурзите отстрануваат и дополнително ткиво кај пациентите околу канцерот за кое не се сигурни дека е канцерогено. Тоа се испраќа на испитување и доколку е канцерогено следува втор оперативен зафат. Со очилата на Груев оваа пракса ќе биде минато.
Оргиналната сторија е објавена на веб страницата на „ Вашингтон Универзитетот за медицина во Сент Луис“
